കോഴിക്കോട്: കോഴിക്കോട് പണിക്കർ റോഡിൽ ഓട്ടോ ഡ്രൈവറെ വെട്ടിക്കൊന്നു. ഇന്ന് രാവിലെയാണ് സംഭവം. ഗാന്ധിനഗർ സ്വദേശി ശ്രീകാന്ത് (47) ആണ് കൊല്ലപ്പെട്ടത്. സംഭവത്തിൽ ഒരാളെ വെള്ളയില്‍ പോലീസ് കസ്റ്റഡിയിലെടുത്ത് ചോദ്യം ചെയ്തുവരികയാണ്.
കൊല്ലപ്പെട്ട ശ്രീകാന്ത് കൊലപാതകക്കേസുകൾ ഉൾപ്പെടെയുള്ള കേസുകളിൽ പങ്കാളിയാണെന്ന് പൊലീസ് പറഞ്ഞു. രാവിലെ ഓട്ടോയിൽ ശ്രീകാന്തിനെ കൂടാതെ രണ്ട് പേർ കൂടി ഉണ്ടായിരുന്നു. ഇവർ മദ്യലഹരിയിലായിരുന്നെന്നും ഇവരിൽ ഒരാളാണ് കൊലപാതകം നടത്തിയതെന്നുമാണ് പോലീസിൻ്റെ നിഗമനം. ഓട്ടോയില്‍ മദ്യപിച്ച്‌ ഉറങ്ങിയ മറ്റൊരാളെയാണ് പൊലീസ് കസ്റ്റഡിയിലെടുത്തിരിക്കുന്നത്.
ശ്രീകാന്തിൻ്റെ കാർ കത്തിച്ചതുമായി ബന്ധപ്പെട്ട് നേരത്തെ തർക്കമുണ്ടായിരുന്നു. ഇവരാണ് കൊലപാതകത്തിന് പിന്നിലെന്ന് കുടുംബം ആരോപിക്കുന്നു. ശ്രീകാന്തിൻ്റെ ഓട്ടോയ്ക്ക് സമീപം കത്തിനശിച്ച കാറും പാർക്ക് ചെയ്തിട്ടുണ്ട്. ഇയാളുടെ കൂടെയുണ്ടായിരുന്ന ആളുടെ വിവരങ്ങളാണ് ഇപ്പോൾ പോലീസ് അന്വേഷിക്കുന്നത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
