കോഴിക്കോട്: തൊഴില്‍ക്കരാർ സഹകരണസംഘമായ ഊരാളുങ്കല്‍ ലേബർ കോണ്‍ട്രാക്‌ട് കോ-ഓപ്പറേറ്റീവ് സൊസൈറ്റിയും (യുഎല്‍സിസിഎസ്) ഐസിഎ ഡോമസ് ട്രസ്റ്റും (ഐഡിടി) മൂന്നു ദിവസത്തെ ദേശീയ ‘കോപ് പിച്ച്‌ 2024’ സംഘടിപ്പിക്കുന്നു.
യുഎല്‍സിസിഎസിന്റെ ശതാബ്ദിയാഘോഷത്തിന്റെ ഭാഗമായ പരിപാടി 2024 ഒക്ടോബർ 16 മുതല്‍ 18 വരെ കോഴിക്കോട് ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെന്റില്‍ (ഐഐഎം-കെ) നടക്കും. യുവജനങ്ങള്‍ക്കിടയില്‍ സഹകരണസംരംഭകത്വം പ്രോത്സാഹിപ്പിക്കാൻ ഉദ്ദേശിച്ചു സംഘടിപ്പിക്കുന്ന മത്സരം ഉള്‍പ്പെടെയുള്ള പരിപാടിയില്‍ ഐഐഎം-കെ, ടിങ്കർഹബ് എന്നിവയും പങ്കുചേരും.
മികച്ച ഫൈനലിസ്റ്റ് ടീമുകള്‍ക്ക് ഗ്രാന്റ് പണവും മത്സരവേളയില്‍ അവർ സൃഷ്ടിക്കുന്ന ആശയങ്ങള്‍ സഹകരണസംരംഭങ്ങളായി വികസിപ്പിക്കാൻ വേണ്ട വിഭവങ്ങളും മാർഗ്ഗനിർദ്ദേശവും ഉറപ്പാക്കുന്ന ഒരു വർഷത്തെ മെന്റർഷിപ്പും നല്‍കും. താല്‍പ്പര്യമുള്ള യുവസംരംഭകർക്ക് 2024 ഓഗസ്റ്റ് 15-നുമുമ്ബ് https://idt.coop/coop-pitch/registration/ വഴി രജിസ്റ്റർ ചെയ്യാം. കൂടുതല്‍ വിവരങ്ങള്‍ക്ക്: https://idt.coop/coop-pitch/
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
