ഇന്ത്യന്‍ പ്രീമിയര്‍ ലീഗ് 13ആം സീസണിന്‍്റെ ഫിക്സ്ചറുകള്‍ നാളെ പുറത്തുവിടുമെന്ന് ലീഗ് ചെയര്‍മാന്‍ ബ്രിജേഷ് പട്ടേല്‍ അറിയിച്ചു. സെപ്റ്റംബര്‍ 19 മുതല്‍ നവംബര്‍ 10 വരെ യു.എ.ഇയിലെ മൂന്ന് സ്റ്റേഡിയങ്ങളില്‍ വെച്ചാണ് പ്രീമിയര്‍ ലീഗ് മത്സരങ്ങള്‍ നടക്കുന്നത്.
രാജ്യത്ത് ഏറ്റവും കൂടുതല്‍ ആത്മഹത്യാ നിരക്ക് കൊല്ലത്ത്
കഴിഞ്ഞ സീസണുകളില്‍ ഇന്ത്യന്‍ സമയം 8 മണിക്കായിരുന്നു മത്സരം. എന്നാല്‍ ഇത്തവണ ഇന്ത്യന്‍ സമയം വൈകിട്ട് 7.30നാവും മത്സരങ്ങള്‍ നടക്കുക. ലീഗിലെ ഉദ്‌ഘാടന മത്സരം കഴിഞ്ഞ വര്‍ഷത്തെ ഫൈനലിസ്റ്റുകളായ മുംബൈ ഇന്ത്യന്‍സും ചെന്നൈ സൂപ്പര്‍ കിങ്‌സും തമ്മില്‍ ആവുമെന്നാണ് കരുതപ്പെടുന്നത്.
ചെന്നൈ സൂപ്പര്‍ കിങ്‌സ് അംഗങ്ങളില്‍ കൊറോണ വൈറസ് ബാധ സ്ഥിരീകരിച്ചത് ടൂര്‍ണമെന്റിന് ഭീഷണി ആയിരുന്നെങ്കിലും കഴിഞ്ഞ ദിവസം മുതല്‍ ചെന്നൈ സൂപ്പര്‍ കിങ്‌സ് പരിശീലനം ആരംഭിച്ചിരുന്നു. ടൂര്‍ണ്ണമെന്റിനായി യു.എ.ഇയിലെത്തിയ മറ്റു ടീമുകളും ക്വാറന്റൈന്‍ കാലാവധി കഴിഞ്ഞ് പരിശീലനം തുടങ്ങിയിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
