ശരീരഭാരം കുറയ്ക്കാൻ വ്യത്യസ്ത വഴികൾ തേടുന്നവർക്ക് ജീരകം വെള്ളത്തിൽ ഒന്ന് പരീക്ഷിക്കാം. പുരാതന കാലം മുതൽ തിളപ്പിച്ച ജീരകവെള്ളം കുടിക്കുന്നത് നമ്മുടെ വീടുകളിൽ പതിവാണ്. എന്നാൽ കാലക്രമേണ ജീരകത്തിന്റെ ഉപയോഗം കുറഞ്ഞു. പതിമുഖം ഉള്‍പ്പടെയുള്ള വിവിധ ബ്രാന്‍ഡുകളിലുള്ള ദഹശമിനികള്‍ ഇപ്പോള്‍ വിപണിയില്‍ വ്യാപകമാണ്. എന്നാല്‍ ജീരകവെള്ളത്തിന്റെ ഗുണം മറ്റൊന്നിനുമില്ല.
ജീരകവെള്ളം കുടിക്കുന്ന ശീലത്തിൽ ഏർപ്പെടുന്നത് ശരീരഭാരവും കൊഴുപ്പും കുറയ്ക്കാൻ ആഗ്രഹിക്കുന്നവർക്ക് വളരെ നല്ലതാണ്. ജീരകത്തിൽ ധാരാളം നാരുകൾ അടങ്ങിയിട്ടുണ്ട്. ഈ നാരുകൾ ശരീരത്തിലെ കൊഴുപ്പ് വർദ്ധിക്കുന്നതിനെ പ്രതിരോധിക്കുന്നു. ജീരകം വെള്ളം കുടിക്കുന്നത് ദഹനം എളുപ്പമാക്കും. ദഹനസംബന്ധമായ പ്രശ്നങ്ങൾ ഉള്ളവർ ഇടയ്‌ക്കിടെ ജീരകവെള്ളം കുടിക്കാനും നിർദ്ദേശിക്കുന്നു. നിർജ്ജലീകരണത്തിന് ജീരകവെള്ളം ഉത്തമമാണ്.
പൊട്ടാസ്യം, ഇരുമ്പ് തുടങ്ങിയ ധാതുക്കളാൽ സമ്പുഷ്ടമാണ് ജീരകം. ജീരകം പൊട്ടാസ്യം കൊണ്ട് സമ്പന്നമാണെന്ന് പറയപ്പെടുന്നു, ഇത് ശരീരത്തിന്റെ ഇലക്ട്രോലൈറ്റ് ബാലൻസ് നിലനിർത്താനും രക്തസമ്മർദ്ദം നിയന്ത്രിക്കാനും സഹായിക്കുന്നു. ജീരകത്തിലെ ആന്റിഓക്‌സിഡന്റുകൾ ചർമ്മസംരക്ഷണത്തിന് വളരെ നല്ലതാണ്. ജീരകവെള്ളം കുടിക്കുന്നത് മുഖക്കുരു, ബ്ലാക്ക് ഹെഡ്സ്, കരുവാളിപ്പ് എന്നിവ നീക്കം ചെയ്ത് ചർമ്മത്തെ മൃദുവും മിനുസമാർന്നതുമാക്കാൻ സഹായിക്കും. ജീരക വെള്ളം ദിവസവും പരിശീലിക്കുന്നത് ശരീരത്തിന്റെ രോഗപ്രതിരോധ ശേഷി വർദ്ധിപ്പിക്കും. ഇരുമ്പിന്റെ കുറവ് വിളർച്ചയ്ക്ക് കാരണമാകുന്നു. ജീരകത്തിനു ഒരു പരിധിവരെ ഈ പ്രശ്നം പരിഹരിക്കാൻ കഴിയും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
