ന്യൂഡല്ഹി: ബാബറി മസ്ജിദ് മസ്ജിദ് പൊളിച്ചുമാറ്റിയ കേസിലെ പ്രതികളെ ഉത്തർപ്രദേശിലെ ലഖ്നൗവിൽ പ്രത്യേക സിബിഐ കോടതി കുറ്റവിമുക്തനാക്കി. 1992 ഡിസംബര് ആറിന് അയോധ്യ പോലീസ് സ്റ്റേഷനില് രജിസ്റ്റര് ചെയ്ത കേസുകളിലെ വിധിയാണ് ഇന്ന് കോടതി വിധിപറഞ്ഞത്.
കേസില് ലഖ്നൗവിലെ പ്രത്യേക സി.ബി.ഐ. കോടതി ജഡ്ജി സുരേന്ദര് കുമാര് യാദവ് ആണ് വിധി പറഞ്ഞത്. 2000 പേജാണ് വിധി പ്രസ്താവത്തിനുള്ളത്. ബാബരി മസ്ജിദ് മുന്കൂട്ടി ആസൂത്രണം ചെയ്തു തകര്ത്തതല്ലെന്നും കുറ്റക്കാര്ക്കെതിരെ ശക്തമായ തെളിവില്ലെന്നും കോടതി പറഞ്ഞു.
27 കൊല്ലം പഴക്കമുള്ള ക്രിമിനല് കേസില് ബിജെപിയുടെ മുതിര്ന്ന നേതാക്കളായ എല് കെ അഡ്വാനി, മുരളി മനോഹര് ജോഷി, കല്യാണ് സിങ്, ഉമാഭാരതി എന്നിവരടക്കം 32 പേരാണ് പ്രതികള്. 1992 ഡിസംബര് ആറിനാണ് ബാബറി മസ്ജിദ് തകര്ക്കപ്പെടുന്നത്.
48 പേരായിരുന്നു കേസിലെ പ്രതികള്. 28 വര്ഷത്തിന് ശേഷം വിധി വരുമ്പോള് ജീവിച്ചിരിക്കുന്ന 32 പ്രതികളില് 26 പേരാണ് കോടതിയില് ഹാജരായത്. വിനയ് കത്യാര്, ധരം ദാസ്, വേദാന്തി, ലല്ലു സിങ്, ചമ്പത്ത് റായ്, പവന് പാണ്ഡേ തുടങ്ങിയവരാണ് കോടതിയില് ഹാജരായത്. മഹന്ത് നിത്യ ഗോപാല് ദാസ്, കല്യാണ് സിങ് എന്നിവരെ നേരിട്ട് ഹാജരാകുന്നതില് നിന്ന് വിലക്കി. അദ്വാനിയും മുരളീ മനോഹര് ജോഷിയും ഉമാഭാരതിയും ഉള്പ്പെടെ ആറ് പ്രതികള് അനാരോഗ്യം ചൂണ്ടികാട്ടി കോടതിയില് ഹാജരായില്ല. കല്യാണ് സിങ്, ഉമാ ഭാരതി എന്നിവര് കോവിഡ് ബാധിച്ച് ചികിത്സയിലാണ്.
1992 ഡിസംബര് ആറിന് ബാബറി മസ്ജിദ് പൊളിച്ച സംഭവത്തില് ഉത്തര്പ്രദേശില് രണ്ടിടത്തായാണ് വിചാരണ നടന്നിരുന്നത്. അജ്ഞാതരായ കര്സേവകര്ക്കെതിരായ കേസുകള് ലഖ്നൗവിലും പ്രമുഖ നേതാക്കള്ക്കെതിരേയുള്ളത് റായ്ബറേലിയിലും. സുപ്രീംകോടതിയുടെ 2017-ലെ ഉത്തരവുപ്രകാരം രണ്ടുകൂട്ടം കേസുകളിലെയും വിചാരണ ഒന്നിച്ചുചേര്ത്ത് ലഖ്നൗവിലെ അഡീഷണല് സെഷന്സ് കോടതിയിലേക്കുമാറ്റി. രണ്ടുവര്ഷത്തിനകം വിചാരണപൂര്ത്തിയാക്കണമെന്നായിരുന്നു സുപ്രീംകോടതി ആദ്യം ആവശ്യപ്പെട്ടത്. പിന്നീട് പലതവണ സമയം നീട്ടിനല്കി.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
