തിരുവനന്തപുരം : വർക്കലയില്‍ വീട്ടിലേക്ക് തീപടര്‍ന്നത് കാര്‍പോര്‍ച്ചിലെ സ്വിച്ച് ബോര്‍ഡില്‍ നിന്ന് പോർച്ചിൽ നിർത്തിയിട്ടിരുന്ന ബൈക്കിൽ സ്വിച്ച് ബോർഡിൽ നിന്നുള്ള തീപ്പൊരി വീണു വാഹനം പൊട്ടിത്തെറിക്കുന്ന ദൃശ്യങ്ങൾ സിസിടിവിയിൽ പതിഞ്ഞിരുന്നു. തീപ്പൊരി ഉണ്ടായി അഞ്ച് മിനിട്ടിന് ശേഷമാണ് പൊട്ടിത്തെറി ഉണ്ടായത്. തുടർന്ന് വീടിനുള്ളിൽ തീ ആളിപ്പടരാൻ തുടങ്ങി. തീപിടിത്തത്തിൽ അട്ടിമറിക്ക് സാധ്യതയില്ലെന്ന് പോലീസ് പറഞ്ഞു. കഴിഞ്ഞ ദിവസം വർക്കലയിൽ ഒരു കുടുംബത്തിലെ അഞ്ച് പേരാണ് തീപിടിത്തത്തിൽ മരിച്ചത്. പുക ശ്വസിച്ചതാണ് മരണകാരണമെന്ന് പോസ്റ്റ്‌മോർട്ടം റിപ്പോർട്ടിൽ പറയുന്നു.
രാവിലെ വൈദ്യുതി പരിശോധനാ സംഘം തീപിടിത്തമുണ്ടായ വീട്ടിലെത്തി മീറ്റർ ബോക്സും വയറിങ്ങും വിശദമായി പരിശോധിച്ചു. സർക്യൂട്ട് ബ്രേക്കറിന് സാരമായ കേടുപാടുകൾ സംഭവിച്ചു. അതേസമയം ഫോറൻസിക് പരിശോധനാ ഫലവും വീടിനുള്ളിലെ നശിപ്പിച്ച സിസിടിവി ദൃശ്യങ്ങളും അന്വേഷണത്തിൽ നിർണായകമാണ്. രണ്ട് ദിവസത്തിനകം ഇക്കാര്യം ലഭിക്കുമെന്നും അദ്ദേഹം പറഞ്ഞു. തീപിടുത്തത്തിൽ ഗുരുതരമായി പരിക്കേറ്റ നിഹുൽ സുഖം പ്രാപിച്ചുവരുന്നതായി ബന്ധുക്കൾ പറഞ്ഞു. തിരുവനന്തപുരത്തെ സ്വകാര്യ ആശുപത്രിയിലെ അദ്ദേഹത്തിന്റെ മൊഴിയും നിർണായകമാകും. മരിച്ച അഞ്ച് പേരുടെയും സംസ്കാരം നാളെ രാവിലെ 11 മണിക്ക് നടക്കും. നാട് മുഴുവൻ അപ്രതീക്ഷിതമായ ഒരു ദുരന്തത്തിന്റെ നടുക്കത്തിലാണ്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
