ആര്‍ത്തവ സമയത്ത് വയറുവേദന, നടുവേദന തുടങ്ങിയ പ്രശ്നങ്ങള്‍ ഉണ്ടാകാം. ആര്‍ത്തവം തുടങ്ങി ആദ്യ മൂന്ന് ദിവസം സാധാരണയായി നന്നായി രക്തസ്രാവം ഉണ്ടാകാറുണ്ട്‌. ചില ആളുകള്‍ ആര്‍ത്തവ സമയത്ത് വേദന കുറയ്ക്കാന്‍ മരുന്ന് കഴിക്കുന്നു. ഇത് ദോഷം ചെയ്യുമെന്ന് പലരും കരുതുന്നില്ല. ചില ഭക്ഷണങ്ങള്‍ കഴിക്കുന്നത് ആര്‍ത്തവ വേദന ഒരു പരിധിവരെ കുറയ്ക്കും. ആര്‍ത്തവ സമയത്ത് അസ്വസ്ഥതകള്‍ അകറ്റാന്‍ കഴിക്കേണ്ട പ്രധാനപ്പെട്ട ഭക്ഷണങ്ങള്‍ ചുവടെ .
ആര്‍ത്തവ സമയത്ത് ഓറഞ്ച് കഴിക്കുന്നതിന്റെ ഗുണങ്ങള്‍ ചെറുതല്ല. ഓറഞ്ചില്‍ പൊട്ടാസ്യം ധാരാളം അടങ്ങിയിട്ടുണ്ട്. ഓറഞ്ച് ആര്‍ത്തവ വേദന കുറയ്ക്കുന്നതിനും രക്തസ്രാവം നിയന്ത്രിക്കുന്നതിനും സഹായിക്കുന്നു.
ആര്‍ത്തവ സമയത്ത് ഡാര്‍ക്ക് ചോക്ലേറ്റ് കഴിക്കുന്നത് നല്ലതാണ്, കാരണം ആര്‍ത്തവ സമയത്ത് പിരിമുറുക്കം ഒഴിവാക്കാന്‍ ചോക്ലേറ്റ് സഹായിക്കുന്നു.
തൈര് സ്ത്രീകള്‍ക്ക് നിര്‍ബന്ധമാണ്. തൈരില്‍ ധാരാളം കാല്‍സ്യം അടങ്ങിയിട്ടുണ്ട്. ഇത് എല്ലുകള്‍ക്ക് നല്ലതാണ്. ആര്‍ത്തവ സമയത്ത് കാല്‍സ്യത്തിന്റെ അളവ് കുറയാതിരിക്കാന്‍ തൈര് സഹായിക്കും.
അണ്ടിപ്പരിപ്പ് മഗ്നീഷ്യം കൊണ്ട് സമ്ബന്നമാണ്. പലരും സാധാരണയായി പരിപ്പ് കഴിക്കാന്‍ ഇഷ്ടപ്പെടുന്നു, പക്ഷേ ആര്‍ത്തവ സമയത്ത് കൂടുതല്‍ കഴിക്കാന്‍ ശ്രമിക്കുക. ആര്‍ത്തവ സമയത്ത് കടുത്ത വയറുവേദനയും ക്ഷീണവും കുറയ്ക്കാന്‍ പരിപ്പ് സഹായിക്കും.
ആര്‍ത്തവസമയങ്ങളില്‍ മിക്ക സ്‌ത്രീകള്‍ക്കും നല്ല പോലെ ക്ഷീണവും ഛര്‍ദ്ദിയും ഉണ്ടാകാറുണ്ട്‌.അതിന്‌ ഏറ്റവും നല്ലതാണ് തണ്ണിമത്തന്‍.തണ്ണിമത്തന്‍ ജ്യൂസായോ അല്ലാതെയോ കഴിക്കുന്നത് ഗുണം ചെയ്യും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
