തിരുവനന്തപുരം: ഓൺലൈൻ റമ്മിയുടെ പരസ്യത്തിൽ അഭിനയിക്കുന്ന താരങ്ങളെ രൂക്ഷമായി വിമർശിച്ച് കെബി ഗണേഷ് കുമാർ എംഎൽഎ. രാജ്യദ്രോഹപരസ്യത്തിൽ അഭിനയിക്കുന്ന കലാകാരന്മാർ അതിൽ നിന്ന് പിന്മാറാൻ സര്ക്കാര് അഭ്യർത്ഥിക്കണമെന്ന് ഗണേഷ് കുമാർ നിയമസഭയിൽ ആവശ്യപ്പെട്ടു. ഷാരൂഖ് ഖാന്, വിരാട് കോലി, യേശുദാസിന്റെ മകന് വിജയ് യേശുദാസ്, ഗായിക റിമി ടോമി,ലാല് തുടങ്ങി ആളുകളെ ഇത്തരം പരസ്യങ്ങളില് സ്ഥിരമായി കാണാം. ഇത്തരം നാണം കെട്ട രാജ്യദ്രോഹ പരസ്യങ്ങളില് നിന്നും ഈ മാന്യന്മാര് പിന്മാറാന് സംസ്കാരിക മന്ത്രി സഭയുടെ പേരില് അഭ്യര്ത്ഥിക്കണം. സാംസ്കാരികമായി വലിയ മാന്യമാരാണെന്ന് പറഞ്ഞ് നടക്കുന്നവരാണിവര്- ഗണേഷ് കുമാര് പറഞ്ഞു എന്നാല് അവരുടെ എല്ലാം മനസ്സുകളിലാണ് ആദ്യം സാംസ്കാരിക വിപ്ലവം ഉണ്ടാകേണ്ടതെന്ന് മന്ത്രി വി.എന്.വാസവന് പറഞ്ഞു. നിയമംമൂലം നിരോധിക്കാവുന്നതല്ല ഇതെന്നും താരങ്ങളോടും സാംസ്കാരിക നായകരോടും ഒരു അഭ്യര്ത്ഥന വേണമെങ്കില് നമുക്കെല്ലാവര്ക്കും നടത്താമെന്നും മന്ത്രി നിയമസഭയില് പറഞ്ഞു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
