ഭൂ​മി ത​ര്‍​ക്കം; രാ​ജ​സ്ഥാ​നി​ല്‍ ക്ഷേ​ത്ര​പൂ​ജാ​രി​യെ തീ​കൊ​ളു​ത്തി കൊ​ന്നു. പ്രധാന പ്രതിയെ പോലീസ് അറസ്റ്റ് ചെയ്തു.

ജ​യ്പു​ര്‍: രാ​ജ​സ്ഥാ​നി​ല്‍ ഭൂ​മി​ത​ര്‍​ക്ക​ത്തെ തു​ട​ര്‍​ന്ന് ക്ഷേ​ത്ര പൂ​ജാ​രി​യെ തീ​കൊ​ളു​ത്തി കൊ​ല​പ്പെ​ടു​ത്തി. ക​രോ​ൾ ജില്ലയിലെ സ​പൊ​ത്ര ഡി​വി​ഷ​നി​ലെ ബോ​ക്ന ഗ്രാ​മ​ത്തി​ലാ​ണ് സം​ഭ​വം. രാ​ധാ​കൃ​ഷ്ണ ക്ഷേ​ത്ര​ത്തി​ലെ പൂ​ജാ​രി ബാ​ബു​ലാ​ല്‍ വൈ​ഷ്ണ​വ്(50) ആ​ണ് മ​രി​ച്ച​ത്. സംഭവം നടന്ന് 24 മണിക്കൂറിനുള്ളിൽ പ്രതിയെ അറസ്റ്റ് ചെയ്തതായി പോലീസ് സൂപ്രണ്ട് മൃദുൽ കചാവ പറഞ്ഞു.

രാ​ധാ​കൃ​ഷ്ണ ക്ഷേ​ത്ര ട്ര​സ്റ്റി​ന്‍റെ ഉ​ട​മ​സ്ഥ​ത​യി​ലു​ള്ള 5.2 ഏ​ക്ക​ര്‍ സ്ഥ​ല​ത്തി​ന്‍റെ പേ​രി​ലു​ള്ള ത​ര്‍​ക്ക​മാ​ണ് കൊ​ല​പാ​ത​ക​ത്തി​ല്‍ ക​ലാ​ശി​ച്ച​ത്. പുരോഹിതൻ കുടുംബത്തോടൊപ്പം ക്ഷേത്രപരിസരത്ത് കൃഷിചെയ്യാറുണ്ടായിരുന്നു. ഈ ​ഭൂ​മി​യോട് ചേ​ര്‍​ന്ന് കി​ട​ക്കു​ന്ന ത​ന്‍റെ പേ​രി​ലു​ള്ള സ്ഥ​ല​ത്ത് ബാ​ബു ലാ​ല്‍ വൈ​ഷ്ണ​വ് ഒ​രു വീ​ട് നി​ര്‍​മി​ക്കാ​ന്‍ തു​ട​ങ്ങി​യ​തോ​ടെ​യാ​ണ് പ്ര​ശ്നം ആ​രം​ഭി​ച്ച​ത്. ഭൂ​മി മ​ണ്ണു​മാ​ന്തി​യ​ന്ത്രം കൊ​ണ്ട് നി​ര​പ്പാ​ക്കി​യ​തോ​ടെ ഗ്രാ​മ​ത്തി​ലെ ഉ​യ​ര്‍​ന്ന സ​മു​ദാ​യ​ത്തി​ല്‍​പ്പെ​ട്ട മീ​ണ സ​മു​ദാ​യ​ത്തി​ലെ ഒ​രു വി​ഭാ​ഗം ആ​ളു​ക​ള്‍ ഇ​തി​നെ എ​തി​ര്‍​ക്കു​ക​യും ഭൂ​മി അ​വ​രു​ടെ പാ​ര​മ്ബ​ര്യ​സ്വ​ത്താ​ണെ​ന്ന് അ​വ​കാ​ശ​പ്പെ​ടു​ക​യും ചെ​യ്തു.

പി​ന്നീ​ട് ത​ര്‍​ക്കം ഗ്രാ​മ​മു​ഖ്യ​രു​ടെ അ​ടു​ക്ക​ലെ​ത്തി. അ​വ​ര്‍ പൂ​ജാ​രി​ക്ക് അ​നു​കൂ​ല​മാ​യി വി​ധി പ​റ​ഞ്ഞ​തോ​ടെ, അ​വി​ടെ വി​ള​വെ​ടു​ത്ത ബ​ജ്റ ധാ​ന്യ​ത്തി​ന്‍റെ വൈ​ക്കോ​ല്‍ കെ​ട്ടു​ക​ള്‍ ഉ​ട​മ​സ്ഥാ​വ​കാ​ശ​ത്തി​ന്‍റെ അ​ട​യാ​ള​മാ​യി അ​തി​ര്‍​ത്തി​യി​ല്‍ വെ​ച്ചു. എ​ന്നാ​ല്‍ എ​തി​ര്‍​ഭാ​ഗ​ത്തു​ള്ള​വ​ര്‍ പൂ​ജാ​രി നി​ര​പ്പാ​ക്കി​യ സ്ഥ​ല​ത്ത് സ്വ​ന്ത​മാ​യി കു​ടി​ല്‍ പ​ണി​യാ​ന്‍ തു​ട​ങ്ങി​യ​ത് വാ​ക്കേ​റ്റ​ത്തി​ന് കാ​ര​ണ​മാ​യി. ബു​ധ​നാ​ഴ്ച പ്ര​തി​ക​ള്‍ ത​ര്‍​ക്ക സ്ഥ​ല​ത്ത് കി​ട​ന്ന വൈ​ക്കോ​ല്‍ കൂ​ന​ക​ള്‍​ക്ക് പെ​ട്രോ​ള്‍ ഒഴിച്ച്‌ തീ​യി​ടു​ക​യും അ​ദ്ദേ​ഹ​ത്തെ അ​തി​ലേ​ക്ക് ത​ള്ളി​യി​ട്ട് പൊ​ള്ള​ലേ​ല്‍​പ്പി​ക്കു​ക​യും ചെ​യ്തു.

ഗു​രു​ത​ര​മാ​യ പൊ​ള്ള​ലോ​ടെ എ​സ്‌എം​എ​സ് ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ച പൂ​ജാ​രി വ്യാ​ഴാ​ഴ്ച​യോ​ടെ മ​രി​ച്ചു. പ്ര​തി​ക​ള്‍ പെ​ട്രോ​ളൊ​ഴി​ച്ച്‌ തീ​കൊ​ളു​ത്തു​ക​യാ​യി​രു​ന്നു​വെ​ന്ന് പൂ​ജാ​രി പോ​ലീ​സി​ന് മൊ​ഴി​ന​ല്‍​കി​യി​ട്ടു​ണ്ട്. പൂ​ജാ​രി​യു​ടെ മൊ​ഴി​യു​ടെ അ​ടി​സ്ഥാ​ന​ത്തി​ല്‍ മു​ഖ്യ​പ്ര​തി കൈ​ലാ​ഷ് മീ​ണ​യെ പൊ​ലീ​സ് ക​സ്റ്റ​ഡി​യി​ലെ​ടു​ത്തു. കൈ​ലാ​ഷ്, ശ​ങ്ക​ര്‍, ന​മോ മീ​ണ, മ​റ്റ് മൂ​ന്ന് പേ​ര്‍ എ​ന്നി​വ​ര്‍​ക്കെ​തി​രെ​യാ​ണ് പു​രോ​ഹി​ത​ന്‍ മൊ​ഴി ന​ല്‍​കി​യി​ട്ടു​ള്ള​ത്.

മറ്റുള്ള പ്രതികളെ പിടികൂടുന്നതിനായി കരൗലി അഡീഷണൽ എസ്പി പ്രകാശ് ചന്ദിന്റെ മേൽനോട്ടത്തിൽ നിരവധി ടീമുകൾ രൂപീകരിച്ചിട്ടുണ്ടെന്ന് എസ്പി പറഞ്ഞു. 24 മണിക്കൂറിനുള്ളിൽ ഒന്നാം പ്രതിയെ അറസ്റ്റ് ചെയ്തു, മറ്റുള്ളവർക്കായി തിരച്ചിൽ തുടരുകയാണ്. അതേസമയം, മുൻ മുഖ്യമന്ത്രി വസുന്ധര രാജെ സംഭവത്തെ അപലപിക്കുകയും കുറ്റവാളികൾക്ക് കർശന ശിക്ഷ നൽകുകയും ചെയ്യണമെന്ന് സംസ്ഥാന സർക്കാരിനോട് ആവശ്യപ്പെട്ടു.

പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.