അഗത്തി: തമിഴ്‌നാട് ഭാരതിയാർ യൂണിവേഴ്‌സിറ്റിയിൽ നിന്ന് കൊമേഴ്‌സിൽ പിഎച്ച്ഡി ഗൈഡ്ഷിപ്പ് കരസ്ഥമാക്കി ലക്ഷദ്വീപിലെ ഉന്നത വിദ്യാഭ്യാസ മേഖലയിൽ പുതിയ നേട്ടം കൈവരിച്ചിരിക്കുകയാണ് ഡോ. പി പി അബ്ദുൾ റസാഖ്. നിലവിൽ നീലഗിരി ആർട്‌സ് ആൻഡ് സയൻസ് കോളേജിൽ ബികോം സിഎ വിഭാഗം മേധാവിയായി ജോലി ചെയ്യുന്ന റസാഖ് വയനാട് ഡബ്ല്യുഎംഎ കോളേജിലെ കൊമേഴ്‌സ് വിഭാഗം മേധാവിയായിരുന്നു. കോയമ്പത്തൂരിലെ സിഎംസ് കോളേജിൽ അസിസ്റ്റന്റ് പ്രൊഫസറായി ദീർഘകാലം പ്രവർത്തിച്ചിട്ടുണ്ട്.
കഴിഞ്ഞ അമ്പത് വർഷത്തിനിടെ ഒരു ലക്ഷദ്വീപ് നിവാസിക്ക് ഗവേഷണ മാർഗദർശിയായി അംഗീകാരം ലഭിക്കുന്നത് അബ്ദുൽ റസാഖിലൂടെയാണ്. എൻഎസ്എസ് പ്രോഗ്രാം ഓഫീസർ കൂടിയായിരുന്ന റസാഖ് ഇപ്പോൾ നാഗ്പൂരിൽ എൻസിസി ലെഫ്റ്റനന്റ് പരിശീലനം പൂർത്തിയാക്കി വരികയാണ്. കോയമ്പത്തൂരിലെ സിഎംഎസ് കോളേജിൽ നിന്ന് പിഎച്ച്ഡി പൂർത്തിയാക്കിയത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
