പത്തനംതിട്ട: സര്ക്കാരിന്റെ നവകേരള സദസ്സിനായി പണം നല്കാന് യുഡിഎഫ് ഭരണത്തിലുള്ള തദ്ദേശ സ്വയം ഭരണ സ്ഥാപനങ്ങള്. യുഡിഎഫ് ഭരിക്കുന്ന തിരുവല്ല നഗരസഭയും കോന്നി ബ്ലോക്ക് പഞ്ചായത്തുമാണ് നവകേരള സദസ്സിന് പണം നല്കാന് തീരുമാനിച്ചത്. തുടർന്ന് തിരുവല്ല നഗരസഭ ആദ്യഘട്ടമായി 50000 രൂപ നല്കി. കോന്നി ബ്ലോക്ക് പഞ്ചായത്ത് ഭരണസമിതി യോഗവും പണം നല്കാന് തീരുമാനിച്ചു.അതെ സമയം രണ്ടു സംഭവങ്ങളിലും പത്തനംതിട്ട ഡിസിസി നേതൃത്വം വിശദീകരണം തേടിയേക്കും.
തദ്ദേശ സ്ഥാപനങ്ങള് നവകേരള സദസ്സിന് പണം നല്കണമെന്നാവശ്യപ്പെട്ട് നേരത്തെ അഡീഷനല് ചീഫ് സെക്രട്ടറി ഉത്തരവിറക്കിയിരുന്നു. എന്നാല്, നവകരേള സദസ്സിന് പണം നല്കേണ്ടന്നാണ് കോണ്ഗ്രസ് പാര്ട്ടി നിര്ദേശം. ഈ നിര്ദേശം മറികടന്നാണിപ്പോള് തിരുവല്ല നഗരസഭയും കോന്നി ബ്ലോക്ക് പഞ്ചായത്തും പണം നല്കാന് തീരുമാനിച്ചിരിക്കുന്നത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.