തിരുവനന്തപുരം: കോവിഡ് വാക്സിനേഷന് വേണ്ടിയുള്ള ആരോഗ്യ പ്രവര്ത്തകരുടെ രജിസ്ട്രേഷന് അന്തിമഘട്ടത്തിലായെന്ന് ആരോഗ്യമന്ത്രി കെ കെ ശൈലജ. ആദ്യ ഘട്ടത്തില് സര്ക്കാര്, സ്വകാര്യ മേഖലയിലുള്ള ആരോഗ്യ പ്രവര്ത്തകര്ക്കും വിദ്യാര്ത്ഥികള്ക്കുമാണ് കോവിഡ് വാക്സിന് നല്കുക.
നിലവില് സര്ക്കാര് മേഖലയിലെ എല്ലാ സ്ഥാപനങ്ങളിലേയും സ്വകാര്യ മേഖലയിലെ 81 ശതമാനം സ്ഥാപനങ്ങളിലേയും ജീവനക്കാരുടെ ജില്ലാതല രജിസ്ട്രേഷന് പൂര്ത്തിയാക്കിയിട്ടുണ്ട്.
തിരുവനന്തപുരം, ഇടുക്കി, പാലക്കാട്, മലപ്പുറം, കണ്ണൂര് എന്നീ ജില്ലകളിലെ എല്ലാ സ്വകാര്യ സ്ഥാപനങ്ങളിലേയും ജീവനക്കാര് രജിസ്ട്രേഷന് നടത്തിയിട്ടുണ്ട്. ബാക്കിയുള്ള സ്വകാര്യ സ്ഥാപനങ്ങളിലെ എല്ലാ ആരോഗ്യ പ്രവര്ത്തകരും എത്രയും വേഗം രജിസ്ട്രേഷന് പൂര്ത്തിയാക്കണമെന്നും മന്ത്രി അറിയിച്ചു.
മോഡേണ് മെഡിസിന്, ആയുഷ്, ഹോമിയോ തുടങ്ങിയ എല്ലാ വിഭാഗങ്ങളിലേയും നിലവില് സ്ഥിരവും താത്ക്കാലികവുമായി ജോലി ചെയ്യുന്ന എല്ലാവരേയും വാക്സിനേഷനില് ഉള്ക്കൊള്ളിക്കുന്നതാണ്. മെഡിക്കല്, ദന്തല്, നഴ്സിംഗ്, പാരാമെഡിക്കല് തുടങ്ങിയ എല്ലാ ആരോഗ്യ വിഭാഗം വിദ്യാര്ത്ഥികളേയും ഇതില് ഉള്ക്കൊള്ളിച്ചിട്ടുണ്ട്. 27,000ത്തോളം ആശ വര്ക്കര്മാരേയും ഉള്പ്പെടുത്തിയിട്ടുണ്ട്. ഇതുസംബന്ധിച്ച മാര്ഗ നിര്ദേശങ്ങള് പുറത്തിറക്കിയിട്ടുണ്ട്.Dailyhunt
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
