ജർമ്മൻ ആഡംബര കാർ നിർമാതാക്കളായ ഔഡി കരുത്തുറ്റ പുതിയ മോഡൽ RS5 സ്പോർട്ട്ബാക്ക് എന്ന പുതിയ മോഡൽ അവതരിപ്പിച്ചു. ഓട്ടോ കാർ ഇന്ത്യയുടെ കണക്കനുസരിച്ച് കാറിന് 1.04 കോടി രൂപയാണ് എക്സ്ഷോറൂം വില. 450 എച്ച്.പി. കരുത്തും 600 എൻ.എം. ടോർക്കും തരുന്ന 2.9 ലിറ്റർ ട്വിൻ ടർബോ V6 TFSI. എൻജിനാണ് ഈ കാറിന്‍റെ ഹൃദയം. ഈ മോഡലിന് ഈ വിഭാഗത്തിലെ ഏറ്റവും ഉയർന്ന വേഗതയും ഉണ്ട്- മണിക്കൂറിൽ 250 കിലോമീറ്റർ. 100 കിലോമീറ്റർ വേഗത കൈവരിക്കാൻ 3.9 സെക്കൻഡ് മതി. ഔഡി ഇന്ത്യയുടെ അഭിപ്രായത്തിൽ, ഇന്ത്യയിൽ അവതരിപ്പിക്കുന്ന കരുത്തുറ്റ ഔഡി ആർഎസ് 5 ന്റെ ആദ്യ സ്പോർട്ബാക്ക് ആണിത്.
സിബിയു റൂട്ട് വഴി രാജ്യത്ത് അവതരിപ്പിക്കുന്ന പുതുക്കിയ മോഡലിന് പുതുക്കിയ ബാഹ്യ രൂപകൽപ്പനയും പുതിയ ഫീച്ചർ കൂട്ടിച്ചേർക്കലുകളും ലഭിക്കുമെന്ന് കമ്പനി അറിയിച്ചു. ഏതാനും ആഴ്ചകൾക്കുമുമ്പാണ് കമ്പനി ഇ-ട്രോൺ, ഇ-ട്രോൺ സ്പോർട്ബാക്ക് മോഡലുകൾ അവതരിപ്പിച്ചത്. ആർഎസ് 5 സ്പോർട്ട്ബാക്ക് ഒരു പുതിയ സിംഗിൾ ഫ്രെയിം ലഭിക്കുന്നു. പിന്നിൽ, വാഹനത്തിന് പുനർരൂപകൽപ്പന ചെയ്ത ടെയിൽ ലാമ്പുകൾ, പുതുക്കിയ ബമ്പർ, നവീകരിച്ച ഡിഫ്യൂസർ എന്നിവയും ഉണ്ട്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
