തൃശൂർ: തൃശൂർ മാളയിൽ പട്ടാപ്പകൽ അംഗൻവാടി അധ്യാപികയുടെ മുളകുപൊടി എറിഞ്ഞ് മാല പൊട്ടിച്ച കേസിലെ പ്രതികളെ അറസ്റ്റ് ചെയ്തു. അധ്യാപിക മോളി ജോർജിന്റെ പരിചയക്കാരിയായ മാള സ്വദേശി അഞ്ജന, കൂട്ടുപ്രതികളായ ജീസൻ (18), ജീസൻ (17) എന്നിവരാണ് പ്രതികൾ. മോളിയുടെ മൂന്ന് പവന്റെ മാല ലക്ഷ്യമിട്ട് അഞ്ജന നടത്തിയ ആസൂത്രിത നീക്കമായിരുന്നു മോഷണശ്രമമെന്ന് പോലീസ് പറയുന്നു. ഇന്നലെയാണ് സംഭവം. മാള വൈന്തലയിലെ അംഗൻവാടി അധ്യാപികയാണ് മോളി ജോർജ്. ജോലി കഴിഞ്ഞ് മോളിയെ മൂന്നംഗ സംഘം വീട്ടിലേക്ക് പിന്തുടർന്നു. പിന്നാലെ വന്ന ഒരാൾ കണ്ണിൽ മുളകുപൊടി എറിഞ്ഞപ്പോൾ മറ്റൊരാൾ മാല പൊട്ടിച്ചു. അവർ ഉടൻ തന്നെ ബൈക്കിൽ രക്ഷപ്പെട്ടു. പരാതിയുടെ അടിസ്ഥാനത്തിൽ പോലീസ് അന്വേഷണം ആരംഭിച്ചു. സമീപ പ്രദേശങ്ങളിലെ സിസിടിവി ദൃശ്യങ്ങൾ പരിശോധിച്ചപ്പോഴാണ് ബൈക്കിനെക്കുറിച്ച് സൂചന ലഭിച്ചത്. മാള എസ്ഐയുടെ നേതൃത്വത്തിൽ മാള-ചാലക്കുടി പ്രദേശങ്ങളിൽ അന്വേഷണം ഊർജിതമാക്കി മണിക്കൂറുകൾക്കുള്ളിൽ പ്രതികളെ കണ്ടെത്തി. മാള സ്വദേശിയായ 22 വയസ്സുള്ള അഞ്ജനയും 18 വയസ്സുള്ള പുരുഷനും പ്രായപൂർത്തിയാകാത്ത ഒരാളുമാണ് പ്രതികൾ.
അഞ്ജനയുടെ കുട്ടിയും മോളി ജോലി ചെയ്യുന്ന അംഗൻവാടിയിലാണ് പഠിക്കുന്നത്. കുട്ടിയെ എടുക്കാൻ പോയപ്പോൾ മോളിയുടെ കഴുത്തിലെ മാല അവൾ ശ്രദ്ധിച്ചു, അത് മോഷ്ടിക്കാൻ തീരുമാനിച്ചു. ഇൻസ്റ്റാഗ്രാം വഴി പരിചയപ്പെട്ട രണ്ട് പേരെ കുറ്റകൃത്യത്തിന് സഹായിക്കാൻ റിക്രൂട്ട് ചെയ്തു. മോഷണത്തിന് ശേഷം, ചാലക്കുടിയിലെ ഒരു ജ്വല്ലറിയിൽ മാല വിൽക്കാൻ അവൾ ശ്രമിച്ചു, പക്ഷേ അത് വിജയിച്ചില്ല. ഒടുവിൽ, പ്രതികളെ പോലീസ് അറസ്റ്റ് ചെയ്തു. അറസ്റ്റിലായ പ്രതികളെ റിമാൻഡ് ചെയ്തു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
