2024 തുടക്കം മുതൽ മലയാള സിനിമയുടെ തലവര മാറുന്ന കാഴ്ചയാണ് ഓരോരുത്തരും കണ്ടുകൊണ്ടിരിക്കുന്നത്. ഓസ്ലർ ആയിരുന്നു ഈ വർഷത്തെ ആദ്യ ഹിറ്റ്. പിന്നീട് വന്ന ചില സിനിമകൾക്ക് വേണ്ടത്ര പ്രകടനം കാഴ്ചവയ്ക്കാൻ സാധിച്ചില്ലെങ്കിലും പ്രേക്ഷക ശ്രദ്ധനേടാനായിരുന്നു. ശേഷം പ്രേമലു, ഭ്രമയുഗം, മഞ്ഞുമ്മൽ ബോയ്സ് എന്നീ സിനിമകൾ സമ്മാനിച്ചത് സൂപ്പർ ഹിറ്റ്, ബ്ലോക് ബസ്റ്ററുകളാണ്. അതിലേക്ക് ഇപ്പോൾ ആടുജീവിതവും.
മാർച്ച് 28ന് തിയറ്ററുകളിൽ എത്തിയ ചിത്രം പ്രതീക്ഷിച്ചത് പോലെ തന്നെ പ്രേക്ഷകർ ഒന്നടങ്കം ഏറ്റെടുത്തു. ഇതുവരെ ആഗോളതലത്തിൽ 90കോടിയിലധികം ആടുജീവിതം നേടിയെന്നാണ് കണക്കുകൾ പറയുന്നത്. ഈ വേളയിൽ കേരളത്തിലെ ആദ്യ വാരാന്ത്യ കളക്ഷനിൽ റെക്കോർഡ് ഇട്ടിരിക്കുകയാണ് ആടുജീവിതം.
മോഹൻലാൽ, മമ്മൂട്ടി സിനിമകളെ പിന്നിലാക്കിയാണ് പൃഥ്വിരാജ് ഈ നേട്ടം സ്വന്തമാക്കിയിരിക്കുന്നത്. റിലീസ് ചെയ്ത് എട്ട് ദിവസത്തിൽ 38 കോടിയാണ് ആടുജീവിതം കേരളത്തിൽ നിന്നുമാത്രം നേടിയത്. ലൂസിഫർ 33.2 കോടി, ഭീഷ്മപർവ്വം 30.75 കോടി എന്നിവയെ പിന്തള്ളിയാണ് ആടുജീവിതം മുന്നിൽ എത്തിയിരിക്കുന്നത്. ഈ രണ്ടു ചിത്രങ്ങളും എട്ട് ദിവസത്തിലാണ് ഇത്രയും കോടി സ്വന്തമാക്കിയതെന്ന് പ്രമുഖ ട്രേഡ് അനലിസ്റ്റുകൾ ട്വീറ്റ് ചെയ്യുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
