റിയാദ്: മക്കയിലെ കഅ്ബ ഉള്‍ക്കൊള്ളുന്ന ഹറം പള്ളിയിലേക്ക് കാര്‍ ഇടിച്ചു കയറി. കാര്‍ നിയന്ത്രണം വിട്ടുണ്ടായ അപകടത്തില്‍ ഹറമിന്റെ ഒരു വാതിലും ബാരിക്കേഡും പൊട്ടി. കാറോടിച്ച സൗദി യുവാവിനെ സൗദി സുരക്ഷാ ഉദ്യോഗസ്ഥര്‍ അറസ്റ്റ് ചെയ്‍തു. ഇയാളെ തുടര്‍ നടപടികള്‍ക്കായി പ്രോസിക്യൂഷന് കൈമാറി. ഇയാളുടെ പേര് പറഞ്ഞില്ലെങ്കിലും ഇയാള്‍ക്ക് മാനസിക വിഭ്രാന്തിയുണ്ടെന്ന് പൊലീസ് അറിയിച്ചു.
ഇന്നലെ രാത്രി പത്ത് മണിക്കാണ് സംഭവം. മക്കയിലെ ഹറമിന്റെ തെക്ക് ഭാഗത്ത് കൂടി അതിവേഗത്തില്‍ പാഞ്ഞ കാര്‍ നിയന്ത്രണം വിട്ട് ഹറമിന് നേരെയെത്തി. കഅ്ബ ഉള്‍ക്കൊള്ളുന്ന ഹറം പള്ളിയുടെ ഒരു വാതിലിലേക്കാണ് വെള്ളിയാഴ്ച രാത്രി കാര്‍ പാഞ്ഞുകയറിയതെന്ന് സൗദി അറേബ്യയുടെ ഒദ്യോഗിക വാര്‍ത്താ ഏജന്‍സി റിപ്പോര്‍ട്ട് ചെയ്‍തു. രണ്ടു ബാരിക്കേഡുകള്‍ തകര്‍ത്ത് ഹറമിന്റെ വാതിലില്‍ ഇടിച്ചു നിന്നു. അപകടത്തില്‍ ഹറമിന്റെ വാതിലും ബാരിക്കേഡുകളും പൊട്ടിയിട്ടുണ്ട്. ആര്‍ക്കും പരിക്കേറ്റിട്ടില്ല.
കൊറോണ വൈറസ് പകർച്ചവ്യാധി മൂലം ഉംറ മാർച്ചിൽ താൽക്കാലികമായി നിർത്തിവച്ചിരുന്നു. ഈ മാസം സൗദി അറേബ്യ ഏഴ് മാസത്തിനു ശേഷം ആദ്യമായി പ്രാർത്ഥനയ്ക്കും ഉംറക്കും ഗ്രാൻഡ് മോസ്ക് തുറന്നിരുന്നു. കൊറോണ വൈറസ് നിയന്ത്രണങ്ങളിൽ ഇളവ് വരുത്തിയതിനാൽ രാജ്യത്തിനകത്ത് നിന്ന് 15,000 തീർത്ഥാടകരെ ഉൾക്കൊള്ളുന്നതിനായി ഹറം വിപുലീകരിച്ചു.
ഞായറാഴ്ച മുതൽ ഉംറയുടെ പരിധി 20,000 ആയി ഉയർത്തും, വിദേശത്ത് നിന്ന് തീർത്ഥാടകരെയും അധികൃതർ അനുവദിക്കും. ആധുനിക ചരിത്രത്തിലെ ഏറ്റവും ചെറിയ തോതിൽ ജൂലൈ അവസാനത്തോടെ സൗദി അറേബ്യ ഹജ്ജ് തീർത്ഥാടനം നടത്തി. ഇതിൽ പതിനായിരത്തോളം മുസ്ലീംകൾക്ക് മാത്രമേ പങ്കെടുക്കാൻ അനുവാദമുണ്ടായിരുന്നുള്ളൂ, കഴിഞ്ഞ വർഷം പങ്കെടുത്ത 25 ദശലക്ഷത്തിൽ നിന്ന് ഇത് വളരെ കുതറവാണ്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
