മമ്മൂട്ടി നായകനായെത്തിയ ടർബോയുടെ അറബിക് വേർഷൻ ഉടൻ പുറത്തിറങ്ങും. മമ്മൂട്ടിയാണ് ഇക്കാര്യം അറിയിച്ചത്. സിനിമയുടെ സക്സസ് സെലിബ്രേഷന്റെ ഭാഗമായി ഷാർജയില്‍ സംഘടിപ്പിച്ച പരിപാടിയിലാണ് ഇക്കാര്യം അറിയിച്ചത്. അറബിക് വേർഷന്റെ ട്രെയിലറും അണിയറ പ്രവർത്തകർ പരിപാടിയില്‍ പുറത്തിറക്കി.
അറബിക് ഭാഷയിലേക്ക് ടർബോ മൊഴിമാറ്റിയിട്ടുണ്ട്. ഒരുപക്ഷെ ആദ്യമായി അറബിയില്‍ സംസാരിക്കാൻ പോകുന്ന മലയാള സിനിമ ഇതാകുമെന്നാണ് തോന്നുന്നതെന്നും അത് തീർത്തും സന്തോഷകരമായ കാര്യമാണെന്നും മമ്മൂട്ടി പ്രതികരിച്ചു. നിങ്ങള്‍ ഈ സിനിമ ഒന്നുകൂടി കണ്ട് സന്തോഷിക്കണം. കാരണം എനിക്ക് അറബിക് ഭാഷ അറിയില്ല, എന്റെ ശബ്ദത്തിലല്ലെങ്കിലും ഞാൻ അറബി പറയുന്നത് കാണുമ്പോൾ എങ്ങനെയുണ്ടാകുമെന്ന് നിങ്ങള്‍ കണ്ടുനോക്കണമെന്നും മമ്മൂട്ടി കൂട്ടിച്ചേർത്തു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
