മുഖ്യമന്ത്രി പിണറായി വിജയനും അദ്ദേഹത്തിന്റെ കുടുംബാംഗങ്ങള്ക്കുമെതിരെ സ്വര്ണക്കടത്ത് കേസിലെ പ്രതി സ്വപ്ന സുരേഷ് നല്കിയ രഹസ്യമൊഴി എന്ഫോഴ്സ്മെന്റ് ഡയറക്ടറേറ്റ് സുപ്രീംകോടതിയില് സമര്പ്പിക്കും. മുദ്രവച്ച കവറില് രഹസ്യമൊഴി സുപ്രീംകോടതിക്ക് നല്കാമെന്ന് ഇഡി രേഖാമൂലം കോടതിയെ അറിയിച്ചു. സ്വര്ണ്ണക്കടത്ത് കേസ് കേരളത്തിന് പുറത്തേക്ക് മാറ്റണമെന്ന ഹര്ജിയിലാണ് ഇഡി നിലപാട് വ്യക്തമാക്കിയിരിക്കുന്നത്. ഈ മാസം ആറിനാണ് 59 പേജുള്ള ഹർജി ഇഡി ഫയല് ചെയ്തത്. നയതന്ത്ര പാഴ്സല് സ്വര്ണക്കടത്തുമായി ബന്ധപ്പെട്ട കള്ളപ്പണം വെളുപ്പിക്കലില് കേസില് ഇഡിയുടെ അന്വേഷണം അട്ടിമറിക്കാന് സംസ്ഥാന സര്ക്കാരും, പോലീസും, ജയില് ഉദ്യോഗസ്ഥരും നടത്തിയ ശ്രമങ്ങളുടെ വിശദശാംശങ്ങളും ഇഡി സുപ്രീം കോടതിയില് ഫയല് ചെയ്ത ട്രാന്സ്ഫര് ഹര്ജിയില് വിശദീകരിച്ചിട്ടുണ്ട്. കള്ളപ്പണം വെളുപ്പിക്കല് കേസിലെ പ്രതി സന്ദീപ് നായരേ ശിവശങ്കര് സ്വാധീനിച്ചതായും ഇഡി ഹര്ജിയില് അവകാശപ്പെടുന്നു. ഇഡി കൊച്ചി സോണ് അസിസ്റ്റന്റ് ഡയറക്ടര് സുപ്രീം കോടതിയെ സമീപിച്ചത്. എറണാകുളം പ്രിന്സിപ്പല് സെഷന്സ് കോടതിയില് ഉള്ള കേസ് ബെംഗളൂരുവു പ്രിന്സിപ്പല് സെഷന്സ് കോടതിയിലേക്ക് മാറ്റണമെന്നാണ് ഇഡി യുടെ ആവശ്യം
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
