കാസര്കോട്: തെരുവുനായ ആക്രമണത്തിൽ വിദ്യാര്ഥികളുടെ സംരക്ഷണത്തിനായി തോക്കെടുത്ത സംഭവത്തില് കേസെടുത്തതില് വിഷമമുണ്ടെന്ന് സമീര്. എയര്ഗണ്ണുകൊണ്ട് വെടിവെച്ചാല് നായ ചാകില്ല. ആരെയും അപായപ്പെടത്താന് ശ്രമിച്ചിട്ടില്ല. ഷോ കേസില് വെച്ചിരുന്ന എയര്ഗണ്ണാണിതെന്നും ഉന്നം തെറ്റാതെ വെടിവെക്കാന് അറിയില്ലെന്നും സമീര് പറഞ്ഞു. തന്റെ കുട്ടിയെ സംരക്ഷിക്കേണ്ടത് തന്റെ കടമയാണ്. അതുമാത്രമാണ് ചെയ്തതെന്നും കാസർകോട് ബേക്കല് ഹദ്ദാദ് നഗറിലെ സമീര് പറഞ്ഞു. ഐപിസി 153 പ്രകാരം ലഹള ഉണ്ടാക്കാൻ ഇടയാക്കുന്ന തരത്തിലുള്ള പ്രവൃത്തി നടത്തിയതിനാണ് ബേക്കൽ പൊലീസ് സമീറിനെതിരെ കേസെടുത്തത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
