ഹൂതികളയച്ച ചെറു റോക്കറ്റുകള്‍ ദക്ഷിണ സൗദിയിലെ ജിസാന് സമീപമുള്ള ഗ്രാമത്തില്‍ വീണ് അഞ്ചുപേര്‍ക്ക് പരിക്കേറ്റു. അല്‍ഹര്‍സ് ഗവര്‍ണറേറ്റിലെ അതിര്‍ത്തി ഗ്രാമത്തിലാണ് ഇറാന്‍ സഹായത്തോടെ യമന്‍ വിമതരായ ഹൂതികള്‍ റോക്കറ്റുകള്‍ അയച്ചതെന്നും പ്രദേശവാസികളായ അഞ്ചുപേര്‍ക്ക് പരിക്കേല്‍ക്കുകയും മൂന്ന് വാഹനങ്ങള്‍ക്ക് കേടുപാടുകള്‍ സംഭവിക്കുകയും ചെയ്തുവെന്നും ജിസാന് മേഖല സിവില്‍ ഡിഫന്‍സ് ഡയറക്ടറേറ്റ് വക്താവ് കേണല്‍ മുഹമ്മദ് ബിന്‍ യഹ്യ അല്‍ഗാമിദി അറിയിച്ചു.
പ്രദേശവാസികള്‍ക്കാണ് പരിക്കേറ്റത്. ചീളുകള്‍ തെറിച്ച്‌ നേരിയ പരിക്കേറ്റ ഇവരെ ആശുപത്രിയില്‍ പ്രവേശിപ്പിച്ചു. ഇവരുടെ ആരോഗ്യനില തൃപ്തികരമാണ്. ഇത്തരം സന്ദര്‍ഭങ്ങളില്‍ ചെയ്യേണ്ട നടപടിക്രമങ്ങള്‍ പൂര്‍ത്തിയാക്കിയതായും വക്താവ് പറഞ്ഞു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
