തൃശൂർ: 10 കിലോ കഞ്ചാവുമായി ഒരു സ്ത്രീ ഉൾപ്പെടെ നാല് പേരെ തൃശ്ശൂരിൽ അറസ്റ്റ് ചെയ്തു. കാറിന്റെ ബോണറ്റിലൂടെയാണ് കഞ്ചാവ് കടത്തിയത്. തൃശൂർ സിറ്റി ഷാഡോ പൊലീസും ഈസ്റ്റ് പോലീസും ആണ് പിടിച്ചെടുത്തത്. ഇന്ന് രാവിലെ തൃശൂരിലെ ശക്തൻ നഗറിൽ കാറിൽ നിന്ന് 10 കിലോ കഞ്ചാവ് പോലീസ് പിടിച്ചെടുത്തു. ആന്ധ്രാപ്രദേശിൽ നിന്നും ഒറീസയിൽ നിന്നും വലിയതോതില്‍ കഞ്ചാവ് കടത്തുന്ന ദമ്ബതികളടക്കം നാലുപേരെ നാലുപേരെയാണ് പൊലീസ് കസ്റ്റഡിയില്‍ എടുത്തത്.
നിരവധി കേസുകളില്‍ പ്രതികളായ തിരുവനന്തപുരം കല്ലറ സ്വദേശികളായ ജാഫര്‍ ഖാന്‍, റിയാസ്, ഷമീര്‍, സുമി എന്നിവരാണ് പിടിയിലായത്. വാഹനവും കസ്റ്റഡിയില്‍ എടുത്തു. രഹസ്യ വിവരം ലഭിച്ചതിനെ തുടര്‍ന്ന് തൃശൂര്‍ സിറ്റി ഷാഡോ പൊലീസും ഈസ്റ്റ് പൊലീസും ചേര്‍ന്ന് നടത്തിയ പരിശോധനയിലാണ് കഞ്ചാവ് സംഘത്തെ പിടികൂടിയത്. മാര്‍ക്കറ്റില്‍ ഒന്‍പതു ലക്ഷം രൂപ വില മതിക്കുന്ന കഞ്ചാവാണ് ഇവരില്‍ നിന്ന് പിടിച്ചെടുത്തത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
