കോവിഡ് വിപുലീകരണം വർദ്ധിച്ചതിനെ തുടർന്ന് ഫ്രാൻസിൽ വീണ്ടും ലോക്ക്ഡൗൺ പ്രഖ്യാപിച്ചു. ലോക്ഡൌണ്‍ ഡിസംബർ 1 വരെ നീണ്ടുനിൽക്കുമെന്ന് പ്രസിഡന്റ് ഇമ്മാനുവൽ മാക്രോൺ ബുധനാഴ്ച പ്രഖ്യാപിച്ചു.
ലോക്ഡൌണിന്‍റെ ഭാഗമായി ബാറുകളും റെസ്റ്റോറന്റുകളും മറ്റ് ബിസിനസ്സുകളും വ്യാഴാഴ്ച രാത്രി അടച്ചു. ഫാക്ടറികളും ഫാമുകളും പ്രവർത്തിക്കാൻ അനുവദിക്കും, കൂടാതെ ചില പൊതു സേവനങ്ങൾ പ്രവർത്തിക്കും.
പ്രവചനാതീതമായ നിരക്കിൽ ഫ്രാൻസിൽ വൈറസ് പടരുന്നു. പാരീസ് പോലുള്ള പ്രധാന നഗരങ്ങൾക്കുള്ള നിരോധനം പോലും കോവിഡിന്റെ രണ്ടാം വരവ് തടയാനായില്ല. ഫ്രാൻസിലെ മരണസംഖ്യ 35,000 ആയി ഉയർന്നു. “യൂറോപ്പിലെ മറ്റെവിടെയും പോലെ, കോവിഡിന്റെ രണ്ടാമത്തെ വരവില്‍ ഇളകിയിരിക്കുകയാണ്. ആദ്യത്തേതിനേക്കാൾ ഇത് ബുദ്ധിമുട്ടുള്ളതും മാരകവുമാണ്,” മാക്രോൺ പറഞ്ഞു. തടയാൻ ഒന്നും ചെയ്തില്ലെങ്കിൽ ഏതാനും മാസങ്ങൾക്കുള്ളിൽ കുറഞ്ഞത് 400,000 മരണങ്ങളുണ്ടാകുമെന്ന് പ്രസിഡന്റ് പറഞ്ഞു.
മൂവായിരത്തിലധികം രോഗികളുടെ അവസ്ഥ ഇതിനകം ഗുരുതരമാണ്. എന്തുതന്നെ ചെയ്താലും നവംബർ പകുതിയോടെ 9,000 പേരെ തീവ്രപരിചരണ വിഭാഗത്തിൽ പ്രവേശിപ്പിക്കേണ്ടിവരും. കഴിഞ്ഞ 24 മണിക്കൂറിനുള്ളിൽ ഫ്രാൻസിൽ 244 മരണങ്ങളും 36,000 കോവിഡ് കേസുകളും റിപ്പോർട്ട് ചെയ്യപ്പെട്ടിട്ടുണ്ടെന്ന് സാന്‍റെ പബ്ലിക് ഫ്രാന്‍സ് ഹെല്‍ത്ത് ഏജൻസി അറിയിച്ചു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
