മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം. ശിവശങ്കർ, അന്വേഷണ ഉദ്യോഗസ്ഥർക്കെതിരെ കോടതിയിൽ പരാതി നൽകി. പതിവായി ചോദ്യം ചെയ്യുന്നത് ആരോഗ്യപ്രശ്നം സൃഷ്ടിച്ചു. രണ്ടര മണിക്കൂറിൽ കൂടുതൽ ഇരിക്കാൻ സാധിക്കില്ലെന്നും ശിവശങ്കർ കോടതിയിൽ വ്യക്തമാക്കി. ശിവശങ്കറിന്റെ അഭിഭാഷകൻ വൈദ്യസഹായം തേടി അപേക്ഷ നൽകി. ശിവശങ്കറിന് വേണ്ടി ഹൈക്കോടതിയിലെ മുതിർന്ന അഭിഭാഷകൻ എസ്. രാജീവ് ഹാജരായി.
ഇന്ന് രാവിലെ 10.30 ന് ശിവശങ്കറിനെ എറണാകുളം പ്രിൻസിപ്പൽ സെഷൻസ് മജിസ്‌ട്രേറ്റിന് മുന്നിൽ ഹാജരാക്കി. അതേസമയം, അന്വേഷണ ഉദ്യോഗസ്ഥർക്കെതിരെ ശിവശങ്കർ പരാതി നൽകി. ഗുരുതരമായ ആരോഗ്യപ്രശ്നങ്ങളുണ്ടെന്ന് ശിവശങ്കർ പറഞ്ഞു. ശിവശങ്കറിന്റെ അഭിഭാഷകനും മെഡിക്കൽ സർട്ടിഫിക്കറ്റ് ഹാജരാക്കി. അതേസമയം, ശിവശങ്കർക്കെതിരെ ശക്തമായ തെളിവുകൾ ഉണ്ടെന്ന് എൻഫോഴ്‌സ്‌മെന്റ് ഡയറക്ടറേറ്റ് കോടതിയെ അറിയിച്ചു. കേസിലെ അഞ്ചാമത്തെ പ്രതി ശിവശങ്കറാണെന്നും അന്വേഷണവുമായി സഹകരിക്കുന്നില്ലെന്നും ഇഡി പറഞ്ഞു. വാദങ്ങൾ പരിഗണിച്ച ശേഷം കോടതി ശിവശങ്കറിനെ ഏഴു ദിവസത്തേക്ക് കസ്റ്റഡിയിൽ വിട്ടു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
