നിത്യജീവിതത്തില്‍ നാം നേരിടുന്ന ആരോഗ്യപ്രശ്നങ്ങള്‍ പലതുണ്ട്. തലവേദന, വയറിന് പ്രശ്നം, ജലദോഷം, ശരീരവേദന എന്നിങ്ങനെയുള്ള പ്രയാസങ്ങളൊക്കെ ധാരാളം പേര്‍ നേരിടുന്നതാണ്. ഇതില്‍ ഏറെ പേരെയും ബാധിക്കുന്ന വിഷയം ഗ്യാസ്ട്രബിള്‍ തന്നെയാണ്.
വയര്‍ വീര്‍ത്തുകെട്ടി ഇരിക്കുക, അസ്വസ്ഥത, ഏമ്പക്കം, മലബന്ധം, നെഞ്ചെരിച്ചിലും പുളിച്ചുതികട്ടലും എല്ലാം ഗ്യാസിന്‍റെ അനുബന്ധമായി വരാം. ദഹനവ്യവസ്ഥയെ ബാധിക്കുന്ന ചില അസുഖങ്ങള്‍, ചില മരുന്നുകള്‍, മോശം ജീവിതരീതി എന്നിങ്ങനെ പല കാരണങ്ങള്‍ കൊണ്ടും ഗ്യാസും അനുബന്ധപ്രശ്നങ്ങളും പതിവാകാം. ഗ്യാസ് കയറാതിരിക്കാൻ രാവിലെ ഒഴിവാക്കേണ്ട ചില ഭക്ഷണങ്ങളെ കുറിച്ചാണിനി പറയുന്നത്
രാവിലെ എഴുന്നേല്‍ക്കുന്നയുടൻ പാലൊഴിച്ച കാപ്പിയോ ചായയോ കഴിക്കുന്നത് തന്നെ പലര്‍ക്കും ഗ്യാസുണ്ടാക്കും. ഇതിന് പുറമെ അധികമായി ചായയും കാപ്പിയും കഴിക്കുന്ന ശീലവും രാവിലെ നല്ലതല്ല. ഇത് ദഹനരസം കൂടുതലായി ഉത്പാദിപ്പിക്കുന്നതിന് കാരണമാകും. ഗ്യാസ്, നെഞ്ചെരിച്ചില്‍, പുളിച്ചുതികട്ടല്‍ എല്ലാം ഇതിന്‍റെ ഭാഗമായി വരാം. പാല്‍ ഒഴിവാക്കുന്നതും നല്ലതാണു കോളിഫ്ളവര്‍, കാബേജ് പോലുള്ള പച്ചക്കറികള്‍ രാവിലെ കഴിക്കുന്നതും നല്ലതല്ല. ഇവയിലുള്ള ‘കോംപ്ലക്സ് കാര്‍ബോഹൈഡ്രേറ്റ്’ ആണ് ഗ്യാസിന് കാരണമാകുന്നത്. കാര്‍ബ് കുറഞ്ഞ പച്ചക്കറികള്‍ കഴിക്കുന്നത് പ്രശ്നമില്ല.
കുക്കുമ്പറും ഉള്ളിയും പച്ചയ്ക്ക് അങ്ങനെ തന്നെ കഴിക്കുന്നതും രാവിലെ ഒഴിവാക്കുന്നതാണ് നല്ലത്. പൊതുവില്‍ പച്ചക്കറി തീരെയും വേവിക്കാതെ രാവിലെ കഴിക്കുന്നത് നല്ലതല്ല. പ്രത്യേകിച്ച് കാര്യമായ അളവില്‍ ഫൈബര്‍ അടങ്ങിയവ. ഇവ ദഹിക്കാൻ പ്രയാസമുണ്ടാകും. അതിന്‍റെ ഭാഗമായി ഗ്യാസും കൂടുതലായിരിക്കും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
