ഇന്ത്യൻ വ്യോമാതിർത്തിയിലുടനീളം ഇന്റർനെറ്റ് കണക്റ്റിവിറ്റി നൽകുന്നതിന് റിലയൻസ് ജിയോ 22 അന്താരാഷ്ട്ര വിമാനക്കമ്പനികളുമായി കരാറുകളിൽ ഏർപ്പെട്ടു. ഇതിനായി പ്രതിദിനം 499 രൂപ മുതൽ ആരംഭിക്കുന്ന ഡാറ്റാ പ്ലാനുകളും അവതരിപ്പിക്കുന്നു. 699 രൂപ, 999 രൂപ എന്നിവയുടെ പദ്ധതികളും ലഭ്യമാണ്. 499 രൂപ പ്ലാനിൽ 250 എംബി ഡാറ്റയും 100 മിനിറ്റ് ഔട്ട്‌ഗോയിംഗ് കോളുകളും 100 എസ്എംഎസും വാഗ്ദാനം ചെയ്യുന്നു.
എയര്‍ ലിംഗസ്, എയര്‍ സെര്‍ബിയ, ബിമാന്‍ ബംഗ്ലാദേശ് എയര്‍ലൈന്‍സ്, കാതെ പെസഫിക്, ഈജിപ്ത് എയര്‍, എമിറേറ്റ്‌സ്, എത്തിഹാദ് എയര്‍വെയ്‌സ്, യൂറോ വിങ്‌സ്, കുവൈത്ത് എയര്‍വെയ്‌സ്, ലുഫ്ത്താന്‍സ, മലേഷ്യ എയര്‍ലൈന്‍സ്, മലിന്ദോ എയര്‍, സിംഗപുര്‍ എയര്‍ലൈന്‍സ്, ടര്‍ക്കിഷ് എയര്‍ലൈന്‍സ്, ഉസ്‌ബെക്കിസ്താന്‍ എയര്‍വെയ്‌സ് തുടങ്ങിവയുമായാണ് ധാരണയിലെത്തിയത്.
699 രൂപ പ്ലാനിൽ 500 എംബി ഡാറ്റയും 100 മിനിറ്റ് ഔട്ട്‌ഗോയിംഗ് കോളുകളും 100 എസ്എംഎസും വാഗ്ദാനം ചെയ്യുന്നു. ഒരു ജിബി ഡാറ്റ 999 രൂപയ്ക്ക് ലഭ്യമാണ്. ഔട്ട്‌ഗോയിംഗ് കോളുകളും എസ്എംഎസും മറ്റ് പ്ലാനുകൾക്ക് തുല്യമായിരിക്കും. ഡാറ്റയോടൊപ്പം എസ്‌എംഎസ് സേവനവുമുണ്ടാകും. കോള്‍ സേവനം തിരഞ്ഞെടുത്ത എയര്‍ലൈനുകളില്‍മാത്രമെ ലഭ്യമാകൂ. ഇന്‍കമിങ് കോളുകള്‍ ലഭിക്കില്ല. എയർലൈനിനെ ആശ്രയിച്ച്, ഡാറ്റയുടെ വേഗത വ്യത്യാസപ്പെടാം.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
