പത്തനംതിട്ട: ശബരിമലയില് മരണങ്ങളുണ്ടായാല് മൃതദേഹം താഴെയെത്തിക്കാന് ആംബുലന്സുകള് ഉപയോഗിക്കണമെന്ന് ഹൈക്കോടതി. കൂടാതെ മൃതദേഹങ്ങള് സ്ട്രച്ചറില് ഇറക്കരുതെന്നും കോടതി നിര്ദേശിച്ചു. ഹൈക്കോടതി ദേവസ്വം ബെഞ്ചിന്റേതാണ് ഉത്തരവ്. സ്പെഷ്യല് കമ്മിഷണറുടെ റിപ്പോര്ട്ടിന്റെ അടിസ്ഥാനത്തിലാണ് ഉത്തരവിറക്കിയിരിക്കുന്നത്.
ശബരിമലയില് ഓരോ സീസണിലും മണ്ഡല മകരവിളക്കുകാലത്ത് 150-ഓളം പേര്ക്കെങ്കിലും ഹൃദയാഘാതം ഉണ്ടാകാറുണ്ടെന്നാണ് കണക്കാക്കപ്പെടുന്നത്. നാല്പ്പതോളം പേര്ക്ക് ജീവന് നഷ്ടമാകാറുമുണ്ട്. എന്നാൽ, മൃതദേഹങ്ങള് സന്നിധാനത്തെ സര്ക്കാര് ആശുപത്രികയിൽനിന്ന് സ്ട്രെച്ചറില് ചുമന്ന് താഴെ ഇറക്കുകയാണ് ചെയ്യാറുള്ളത്. ഇനിമുതൽ അങ്ങനെ ചെയ്യരുതെന്നാണ് ഹൈക്കോടതി നിര്ദേശിച്ചിരിക്കുന്നത്.അസുഖബാധിതരായവരെ താഴെ ഇറക്കാന് നേരത്തേതന്നെ ആംബുലന്സ് സംവിധാനമുണ്ട്. ഈ സംവിധാനങ്ങള് ഉപയോഗിക്കണമെന്നും മൃതദേഹങ്ങള് സ്ട്രെച്ചറില് ചുമന്ന് താഴെയിറക്കരുതെന്നുമാണ് കോടതി നിര്ദേശം.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
