തിരുവനന്തപുരം: തൻ്റെ കൈകൾ ശുദ്ധമാണെന്നും മടിയിൽ നാണമില്ലെന്നുമുള്ള മുഖ്യമന്ത്രി പിണറായി വിജയൻ പറഞ്ഞാൽ ജനം പത്തലെടുക്കുമെന്ന് കെപിസിസി പ്രസിഡൻ്റ് കെ സുധാകരൻ. അഴിമതിയിൽ മുങ്ങിമരിക്കുന്ന പിണറായി വിജയനെ പിന്തുണക്കണോയെന്ന് സി.പി.എം, എൽ.ഡി.എഫ് ഘടകകക്ഷികൾ ആലോചിക്കണം.
പിണറായി വിജയന്റെ മകളുടെ എക്സാലോജിക് കമ്പനി കരിമണല് ഖനന കമ്പനിയായ സിഎംആര്എല്ലില്നിന്ന് 1.72 കോടി രൂപ കൈപ്പറ്റിയതിന് തെളിവുണ്ടെന്നും ഇത് അതീവ ഗുരുതരമായ സാമ്പത്തിക കുറ്റമാണെന്നുമാണ് വിധിയില്നിന്ന് മനസിലാക്കേണ്ടത്. കേരളത്തിന്റെ തീരവും അവിടെ അമൂല്യമായ കരിമണലും മുഖ്യമന്ത്രിയുടെ ഒത്താശയോടെ കടത്തിക്കൊണ്ടുപോകാന് കൂട്ടുനിന്നതിന് കാലം നല്കുന്ന തിരിച്ചടിയാണിത്. പിണറായി വിജയന് മാത്രമല്ല, സിപിഎം ദേശീയ ജനറല് സെക്രട്ടറിയും പോളിറ്റ്ബ്യൂറോയും ഉള്പ്പെടെ സകലരും ഇതില് കൂട്ടുപ്രതികളാണ്.
സിപിഎമ്മിനെ ദേശീയതലത്തില് പിടിച്ചുനിര്ത്തുന്നത് കേരളത്തില്നിന്ന് ഒഴുകിയെത്തുന്ന കൂറ്റന് ഫണ്ടാണ്.കരിമണല് കമ്പനിക്കുവേണ്ടി മുഖ്യമന്ത്രി ഇടപെട്ടതിന്റെ വ്യക്തമായ തെളിവുകള് കഴിഞ്ഞ ദിവസങ്ങളില് കോണ്ഗ്രസിന്റെ മാത്യു കുഴല്നാടന് എംഎല്എ പുറത്തുവിട്ടിരുന്നു. അതെല്ലാം ശരിയാണെന്നു വന്നിരിക്കുകയാണ്. 2016 ഡിസംബര് മുതല് മാസം 5 ലക്ഷം രൂപ വീതവും 2017 മാര്ച്ച് മുതല് മാസം മൂന്നു ലക്ഷം രൂപ വീതവും എക്സാലോജിക്കിന് മാസപ്പടി ലഭിച്ചു. മൊത്തം 2.72 കോടി രൂപ എക്സാലോജിക്കിലെത്തി.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.