ഇന്ത്യൻ പ്രീമിയർ ലീഗിന്റെ (ഐ‌പി‌എൽ) പതിമൂന്നാം പതിപ്പിന് നടുവിൽ കൊൽക്കത്ത നൈറ്റ് റൈഡേഴ്സ് ക്യാപ്റ്റൻ ദിനേശ് കാർത്തിക് ക്യാപ്റ്റൻ സ്ഥാനം രാജിവച്ചു. ഈ സീസണിലെ മോശം പ്രകടനത്തെ വിമർശിക്കുന്നതിനിടയിലാണ് കാർത്തിക്കിന്റെ തീരുമാനം. ഏകദിന ലോകകപ്പ് നേടാൻ ഇംഗ്ലണ്ടിനെ സഹായിച്ച ഓവൻ മോര്‍ഗനെ ക്യാപ്റ്റനാക്കണം എന്ന ആവശ്യം നേരത്തെ മുന്‍ താരങ്ങളുള്‍പ്പടെ ഉന്നയിച്ചിരുന്നു.
ബാറ്റിംഗിൽ ശ്രദ്ധ കേന്ദ്രീകരിക്കാനാണ് തീരുമാനമെന്ന് ഡി.കെ പറഞ്ഞു. ക്യാപ്റ്റൻ സ്ഥാനം ഓവൻ മോർഗനിലേക്ക് മാറ്റുമെന്ന് ഡി.കെ മാനേജ്‌മെന്റിനെ അറിയിച്ചു. ഏഴ് മത്സരങ്ങളിൽ നിന്ന് നാല് വിജയങ്ങളുമായി കൊൽക്കത്ത നൈറ്റ് റൈഡേഴ്സ് നാലാം സ്ഥാനത്താണ്. ക്യാപ്റ്റനെന്ന നിലയിൽ ബാറ്റിംഗിനെ മുന്നിൽ നിന്ന് നയിക്കാനും ബാറ്റിംഗ് ക്രമത്തിൽ ശരിയായ തീരുമാനങ്ങൾ എടുക്കാനും കാർത്തിക്കിന് കഴിഞ്ഞില്ലെന്നായിരുന്നു വിമർശനം. ഓപ്പണിംഗ് ഓവറിൽ സുനിൽ നരെയിനെ സ്ഥിരമായി പരീക്ഷിച്ചതിനും മോർഗന്റെയും റസ്സലിന്റെയും ബാറ്റിംഗ് സ്ഥാനത്തിനും കാർത്തിക്കിനെ വിമർശിച്ചു. ഈ സീസണിൽ ഏഴ് മത്സരങ്ങളിൽ നിന്ന് അർധസെഞ്ച്വറി ഉൾപ്പെടെ 108 റൺസ് മാത്രമാണ് കാർത്തിക് നേടിയത്.
ഐ‌പി‌എല്ലിൽ മുംബൈ ഇന്ത്യൻസിനെതിരെ കൊൽക്കത്ത നൈറ്റ് റൈഡേഴ്സിനെ മോർഗാൻ നയിക്കും. രാത്രി 7.30 ന് അബുദാബിയിൽ മത്സരം ആരംഭിക്കും. സീസണിന്റെ തുടക്കത്തിൽ മുംബൈ 49 റൺസിന്റെ ജയം മുംബൈക്കൊപ്പമുണ്ടായിരുന്നു.. ഈ തോൽവിക്ക് പ്രതികാരം ചെയ്യാൻ കൊൽക്കത്തയും ഇന്ന് ശ്രമിക്കും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
