ഒരു യുവാവുമായി ഇണങ്ങി ഇഴപിരിക്കാനാവാത്തവിധം അടുത്തിരിക്കുകയാണ് ഒരു കൊക്ക്. ആരിഫ് എന്നാണ് ഈ യുവാവിന്‍റെ പേര്. ഐഎഎസ് ഉദ്യോഗസ്ഥനായ അവനീഷ് ശരണ്‍ പങ്കുവച്ച വീഡിയോയിലൂടെയാണ് ആരിഫിനെയും ആരിഫിന്‍റെ അപൂര്‍വസൗഹൃദത്തെയും ഏവരും അറിഞ്ഞിരിക്കുന്നത്. മനുഷ്യരുമായി എളുപ്പത്തില്‍ ചങ്ങാത്തത്തില്‍ ആകുന്ന മൃഗങ്ങളുണ്ട്. നായ, പൂച്ച, ആരിഫിനെ ഉറ്റ സുഹൃത്തായി കണ്ടുകൊണ്ട് ആരിഫിനൊപ്പം തന്നെ ഒരു വര്‍ഷമായി ഒരുമിച്ചുണ്ട് ഈ കൊക്ക്. ഈ ചങ്ങാത്തമുണ്ടാകാൻ ഒരു കാരണവുമുണ്ട്. ഒരു വര്‍ഷം മുമ്പ് പരുക്കേറ്റ് കിടന്ന നിലയില്‍ ഈ കൊക്കിനെ ആരിഫ് കണ്ടെത്തിയതാണ്. അന്ന് അങ്ങനെ തന്നെ വഴിയില്‍ വിട്ടുപോകാതെ കൊക്കിനെ പരിചരിച്ച് അതിന്‍റെ ജീവൻ രക്ഷിച്ചതാണ് ആരിഫ്. ഇതോടെ പിന്നെ കൊക്ക് എപ്പോഴും ആരിഫിന്‍റെ കൂടെ തന്നെയായി. ആരിഫ് തന്‍റെ സ്കൂട്ടറില്‍ പോകുമ്പോള്‍ കൂടെ പറന്നുകൊണ്ട് ഈ കൊക്കും ആരിഫിനെ അനുഗമിക്കും. ഇതാണ് വീഡിയോയില്‍ കാണുന്നത്. ഇടയ്ക്ക് ആരിഫ് ഇതിനെ കൈ നീട്ടി വിളിക്കുകയും കൊഞ്ചിക്കുകയും ചെയ്യുന്നുണ്ട്. അത്ഭുതകരമായ ഈ സ്നേഹക്കാഴ്ചയ്ക്ക് ഇതുവരെ ലക്ഷക്കണക്കിന് കാഴ്ചക്കാരെയാണ് കിട്ടിയിരിക്കുന്നത്. നിരവധി പേര് ഇത് പങ്കുവയ്ക്കുകയും ചെയ്തിരിക്കുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
