കോഴിക്കോട്: തിരുവനന്തപുരം ഡിവിഷനിൽ ട്രാക്ക് അറ്റകുറ്റപ്പണി നടക്കുന്നതിനാൽ മംഗളൂരു സെൻട്രൽ-തിരുവനന്തപുരം സെൻട്രൽ മാവേലി എക്സ്പ്രസ് ഒരു മണിക്കൂർ വഴിയില്‍ പിടിച്ചിടാന്‍ സാധ്യയുണ്ടെന്ന് റെയില്‍വേ അറിയിച്ചു. ഈ മാസം 7, 8, 9, 11 തീയതികളിൽ മംഗളൂരുവിൽ നിന്ന് പുറപ്പെടുന്ന സര്‍വീസാണ് തടസപ്പെടുക.
കൊച്ചുവേളിയില്‍നിന്ന് 7, 12 തീയതികളില്‍ പുറപ്പെടുന്ന കൊച്ചുവേളി- മംഗളുരു ജംഗ്ഷന്‍ അന്ത്യോദയ എക്സ്പ്രസ് (16355) കോട്ടയം , എറണാകുളം ടൗണ്‍ വഴി തിരിച്ചുവിടും. ആലപ്പുഴ, എറണാകുളം ജംഗ്ഷന്‍ സ്‌റ്റോപ്പുകള്‍ ആ ദിവസങ്ങളില്‍ ഒഴിവാക്കി. പകരം കോട്ടയത്തും എറണാകുളം ടൗണിലും സ്‌റ്റോപ്പുകള്‍ ഏര്‍പ്പെടുത്തി.
എട്ടിന് ഡോ.എംജിആര്‍ ചെന്നൈ സെന്‍ട്രല്‍ സ്‌റ്റേഷനില്‍നിന്ന് പുറപ്പെടുന്ന ചെന്നൈ സെന്‍ട്രല്‍- തിരുവനന്തപുരം സെന്‍ട്രല്‍ സൂപ്പര്‍ഫാസ്റ്റ് എക്സ്പ്രസ് (12697) കോട്ടയം, എറണാകുളം ടൗണ്‍ വഴി തിരിച്ചുവിടും. എറണാകുളം ജംഗ്ഷന്‍, ആലപ്പുഴ സ്‌റ്റോപ്പുകള്‍ ഒഴിവാക്കി. പകരം എറണാകുളം ടൗണിലും ആലപ്പുഴയിലും സ്‌റ്റോപ്പുകള്‍ ഏര്‍പ്പെടുത്തി.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
