മാവൂർ: മാവൂർ ഗവ. ഹയർസെക്കൻഡറി സ്കൂൾ സുവർണ ജൂബിലിയോടനുബന്ധിച്ച് അൻപത് വിദ്യാർഥികൾക്ക് പഠനോപകരണങ്ങൾ വിതരണം ചെയ്തു. എം കെ രാഘവൻ എംപി ഉദ്ഘാടനം ചെയ്തു. ജില്ലാ പഞ്ചായത്ത് അംഗം സുധ കമ്പളത്ത് അധ്യക്ഷയായി.
സുവർണ ജൂബിലി സേവന കമ്മിറ്റി കൺവീനർ സുമയ്യ.കെ റിപ്പോർട്ട് അവതരിപ്പിച്ചു. മാവൂർ ഗ്രാമപഞ്ചായത്ത് പ്രസിഡണ്ട് വളപ്പിൽ റസാഖ്, വാർഡ് മെമ്പർമാരായ മോഹൻദാസ് എ.പി, അപ്പുക്കുഞ്ഞൻ, വികസന സമിതി ചെയർമാൻ എം. ധർമ്മജൻ, പി.ടി.എ പ്രസിഡന്റ് മൻസൂർ മണ്ണിൽ, പി.ടി.എ വൈസ് പ്രസിഡണ്ട് രാജി ചെറുതൊടുകയിൽ എന്നിവർ സംസാരിച്ചു. പ്രിൻസിപ്പൽ ഷബീർ എ.എം സ്വാഗതവും പ്രധാനാധ്യാപകൻ സുമേഷ് കെ നന്ദിയും പറഞ്ഞു.
സംസ്ഥാന കബഡി ചാമ്പ്യൻഷിപ്പ് ജേതാക്കൾക്കുള്ള അവാർഡ് വിതരണവും പൂർവ്വ വിദ്യാർഥി അബ്ദുള്ള മങ്ങാട്ട് രചിച്ച സ്കൂൾ സുവർണ ജൂബിലി ഗാനം ‘അൻപതിനഴക് ‘ പ്രകാശനവും നടന്നു. അർഹരായ വിദ്യാർഥികളെ കണ്ടെത്തി റാങ്ക് ലിസ്റ്റ് തയ്യാറാക്കിയാണ് പഠന മേശയും കസേരയും നൽകുന്നത്. പൂർവ്വ വിദ്യാർഥികളും അധ്യാപകരും സ്പോൺസർഷിപ്പിലൂടെയാണ് വിതരണം ചെയ്യാനുള്ള പഠനോപകരണം കണ്ടെത്തിയത്. സുവർണ ജൂബിലി സമ്മാനകൂപ്പൺ വിജയികൾക്കുള്ള ഉപഹാര വിതരണം ഗ്രാമപഞ്ചയത്ത് പ്രസിഡൻ്റ് വളപ്പിൽ റസാഖ് നിർവഹിച്ചു. ‘അമ്പതിനഴക്’ സുവർണ ജൂബിലി ഗാന പ്രകാശനം ഗ്രാമപഞ്ചായത്ത് മെമ്പർ എം പി മോഹൻദാസ് നിർവഹിച്ചു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
