കോഴിക്കോട്: മേപ്പയ്യൂർ സ്വദേശിനിയായ പതിനാറുകാരിയെ കാണാനില്ലെന്നു പരാതി. സംഭവവുമായി ബന്ധപ്പെട്ട് രണ്ടു വടകര സ്വദേശികള്‍ പോലീസിന്‍റെ കസ്റ്റഡിയില്‍.
തിങ്കളാഴ്ച്ച രാവിലെ സ്കൂളിലേക്കെന്നു പറഞ്ഞു വീട്ടില്‍ നിന്നിറങ്ങിയ പെണ്‍കുട്ടി തിരിച്ചു വന്നില്ലെന്നാണ് ബന്ധുക്കളുടെ പരാതി. പെണ്‍കുട്ടിയുടെ കൂടെയുണ്ടായിരുന്ന മൂന്നുപേരില്‍ വടകര സ്വദേശികളായ രണ്ടുപേരെയാണ് പോലീസ് കസ്റ്റഡിയിലെടുത്തത്. കാറില്‍ വടകരയിലേക്കു തിരിച്ചുവരുന്പോഴാണ് ഇവർ പിടിയിലായത്.
കാണാതായ പെണ്‍കുട്ടിയും മൂന്നുപേരും മംഗലാപുരത്തേക്കു ട്രെയിൻ കയറിയെന്നും അവിടെ നിന്നും പെണ്‍കുട്ടിയും ആണ്‍സുഹൃത്തും മറ്റൊരു ട്രെയിനില്‍ കയറിയെന്നുമാണ് പിടിയിലായവർ മേപ്പയ്യൂർ പോലീസിനോടു പറഞ്ഞത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
