തിരുവനന്തപുരത്ത് കാണാതായ പെണ്കുട്ടിയെ റോഡരികിലെ പൊന്തക്കാട്ടില് അബോധാവസ്ഥയില് കണ്ടെത്തി. വെമ്പായത്തെ റോഡരികിലാണ് 12 വയസ്സുകാരിയെ തല പൊട്ടി ചോരയൊലിക്കുന്ന നിലയില് കണ്ടെത്തിയത്. തിരുവനന്തപുരം മെഡിക്കല് കോളേജ് ആശുപത്രിയില് ചികിത്സയിലാണ്. റോഡരികിലെ പൊന്തക്കാട്ടില്നിന്ന് എന്തോ ഞെരക്കം കേട്ടുനോക്കിയ വഴിയാത്രക്കാരനാണ് പെണ്കുട്ടിയെ ആദ്യം കണ്ടത്. തുടര്ന്ന് ഇയാള് സമീപത്തെ വീട്ടിലെ സ്ത്രീകളെ വിളിച്ചുവരുത്തുകയായിരുന്നു. ഉടന്തന്നെ ഇവര് പോലീസില് വിവരമറിയിക്കുകയും പോലീസെത്തി പെണ്കുട്ടിയെ ആശുപത്രിയിലേക്ക് കൊണ്ടുപോവുകയും ചെയ്തു. ബുധനാഴ്ച രാത്രി ഒമ്പതുമണിയോടെയാണ് പെണ്കുട്ടിയെ കാണാനില്ലെന്ന് കാണിച്ച് വീട്ടുകാര് പരാതി നല്കിയിരുന്നത്. പോലീസ് രാത്രി മുതല് അന്വേഷണം ആരംഭിച്ചിരുന്നെങ്കിലും കുട്ടിയെ കിട്ടിയില്ല . തുടര്ന്ന് രാവിലെയും അന്വേഷണം തുടരുന്നതിനിടെയാണ് പരിക്കേറ്റനിലയില് പെണ്കുട്ടിയെ റോഡരികില്നിന്ന് കണ്ടെത്തിയത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
