മലയാളത്തിന്റെ നടന വിസ്മയം മമ്മൂട്ടിക്ക് ഇന്ന് പിറന്നാളാണ്.69 വയസ് തികഞ്ഞിരിക്കുന്ന മമ്മൂട്ടിക്ക് ജന്മദിനാശംസകള്‍ പങ്കുവെച്ച്‌ പലരും രംഗത്ത് എത്തുന്നുണ്ട്.സഹതാരങ്ങളും ആരാധകരും ബന്ധുക്കളും എല്ലാവരും മമ്മൂക്കയുടെ ജന്മദിനത്തില്‍ ആശംസകള്‍ അറിയിച്ചുകൊണ്ടിരിക്കുകയാണ്.എന്നാല്‍ ഏവരും കാത്തിരിക്കുന്നത് താരരാജാവ് മോഹന്‍ലാലിന്റെ ആശംസ എങ്ങനെ ആയിരിക്കും എന്ന് അറിയാനാണ്.ഒടുവില്‍ മമ്മൂട്ടിക്ക് ജന്മദിനാശംസകള്‍ നേര്‍ന്ന് മോഹന്‍ലാല്‍ രംഗത്തെത്തി.
മമ്മൂട്ടിക്ക് ഉമ്മ നല്‍കിയാണ് മോഹന്‍ലാല്‍ പിറന്നാള്‍ ആശംസകള്‍ നേര്‍ന്നിരിക്കുന്നത്.ഇരുവരും ഒരുമിച്ച്‌ അഭിനയിച്ച നമ്ബര്‍ 20 മദ്രാസ് മെയ്ല്‍ എന്ന ചിത്രത്തില്‍ മമ്മൂട്ടിക്ക് മോഹന്‍ലാല്‍ ഉമ്മ വെയ്ക്കുന്ന ചിത്രമാണ് നടന്‍ സോഷ്യല്‍ മീഡിയകളിലൂടെ പങ്കുവെച്ചത്. ‘പ്രിയപ്പെട്ട ഇച്ചാക്ക,നല്ലൊരു പിറന്നാള്‍ ദിനം നേരുന്നു,എന്നും സ്‌നേഹം മാത്രം.ദൈവം അനുഗ്രഹിക്കട്ടെ.’ചിത്രത്തിനൊപ്പം മോഹന്‍ലാല്‍ കുറിച്ചു. മോഹന്‍ലാലിന്റെ പിറന്നാള്‍ സന്ദേശം ആരാധകരും ഏറ്റെടുത്തുകഴിഞ്ഞു.ആയിരക്കണക്കിന് ആളുകളാണ് മോഹന്‍ലാലിന്റെ പിറന്നാള്‍ പോസ്റ്റിനു താഴെ പ്രതികരണവുമായി എത്തിയത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
