ഇന്ത്യന്‍ സിനിമയില്‍ തന്നെ ഈ വര്‍ഷത്തെ റിലീസുകളില്‍ വിജയ് ചിത്രം ലിയോയോട് പ്രീ റിലീസ് ഹൈപ്പില്‍ കിടപിടിച്ച ചിത്രങ്ങള്‍ ഷാരൂഖ് ഖാന്‍ ചിത്രം പഠാന്‍ ആണ് മുന്‍പ് ഇത്തരത്തില്‍ ഒരു ഹൈപ്പ് റിലീസിന് മുന്‍പ് സൃഷ്ടിച്ചത്. കേരളമുള്‍പ്പെടെയുള്ള പല മാര്‍ക്കറ്റുകളിലും അഡ്വാന്‍ഡ് ബുക്കിംഗിലൂടെത്തന്നെ ചിത്രം ഓപണിംഗ് കളക്ഷന്‍ റെക്കോര്‍ഡ് നേടിയിരുന്നു. പ്രതീക്ഷിച്ചതുപോലെ, ആഗോള ഓപ്പണിംഗ് ബോക്സോഫീസിലും ചിത്രം അത്ഭുതങ്ങൾ സൃഷ്ടിച്ചുവെന്ന് റിപ്പോർട്ടുകൾ പറയുന്നു.
ആദ്യ റിപ്പോര്‍ട്ടുകള്‍ അനുസരിച്ച് ലിയോ നേടിയ റിലീസ് ദിന ആഗോള ഗ്രോസ് 140 കോടിക്ക് മുകളിലാണ്. ഒരു കോളിവുഡ് സിനിമയുടെ ചരിത്രത്തിലെ ഏറ്റവും മികച്ച ഓപണിംഗ് ആണ് ഇത്. എന്നു മാത്രമല്ല, ഈ വര്‍ഷത്തെ ഇന്ത്യന്‍ റിലീസുകളില്‍ തന്നെ ഏറ്റവും മികച്ച ഓപണിംഗുമാണ് ഇത്. ഷാരൂഖ് ഖാന്‍റെ 1000 കോടി വിജയങ്ങളായ പഠാനും ജവാനും ആദ്യദിനം നേടിയ കളക്ഷനേക്കാള്‍ മുകളിലാണ് ലിയോ നേടിയിരിക്കുന്നത്. 106 കോടി ആയിരുന്നു പഠാന്‍റെ ആദ്യദിന ആഗോള ഗ്രോസ്. ജവാന്‍ നേടിയത് 129.6 കോടിയും. നിര്‍മ്മാതാക്കള്‍ പുറത്തുവിട്ട കണക്കുകള്‍ തന്നെയാണ് ഇത്. അതേസമയം ലിയോയുടെ ഒഫിഷ്യല്‍ കണക്കുകള്‍ ഇനിയും എത്തിയിട്ടില്ല. തമിഴ് യുവനിരയിലെ ഏറ്റവും ആരാധകരുള്ള സംവിധായകന്‍ വിജയിയെ നായകനാക്കി ഒരുക്കിയ രണ്ടാമത്തെ ചിത്രമാണ് ലിയോ. നേരത്തെ മാസ്റ്ററിലാണ് ഇരുവരും ഒന്നിച്ചത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
