കൊല്ലം കൊട്ടിയത്ത് യുവതി ആത്മഹത്യ സംബന്ധിച്ച അന്വേഷണം സംസ്ഥാന ക്രൈംബ്രാഞ്ചിന് കൈമാറി. ഇതുസംബന്ധിച്ച് ഡിജിപി ഉത്തരവ് പുറപ്പെടുവിച്ചു. നേരത്തെ കൊല്ലം ജില്ലാ ക്രൈംബ്രാഞ്ച് കേസ് അന്വേഷിച്ചിരുന്നു. ജില്ലാ ക്രൈംബ്രാഞ്ചിന് കോട്ടിയം പോലീസ് അന്വേഷണ ചുമതല നൽകി.
പ്രതിശ്രുത വരൻ ഹാരിസ് ഒഴികെ മറ്റാരെയും കേസിൽ ഉൾപ്പെടുത്തിയിട്ടില്ലെന്ന് റംസി യുടെ കുടുംബം ആരോപിച്ചിരുന്നു. ഹാരിസിന്റെ കുടുംബത്തെ ഒരു തവണ മാത്രമേ ചോദ്യം ചെയ്തിട്ടുള്ളൂ. റാംസിയെ ഗർഭം അലസിപ്പിക്കാൻ ഹാരിസിന്റെ കുടുംബാംഗങ്ങൾ ഗൂഢാലോചന നടത്തിയെന്നായിരുന്നു ആരോപണം. ഈ ആരോപണങ്ങളുടെയെല്ലാം ശക്തമായ പശ്ചാത്തലത്തിലാണ് അന്വേഷണം സംസ്ഥാന ക്രൈംബ്രാഞ്ചിന് കൈമാറാൻ ഉത്തരവ് പുറപ്പെടുവിച്ചത്.
ആദ്യം ഈ കേസ് അന്വേഷിച്ചത് കൊട്ടിയം പൊലീസ് ആയിരുന്നു. കൊട്ടിയം സര്‍ക്കിള്‍ ഇന്‍സ്പെക്ടറായിരുന്ന ദിലീഷ് ആയിരുന്നു ആദ്യം കേസ് അന്വേഷിച്ചിരുന്നത്. ഈ ഉദ്യോഗസ്ഥനെതിരെ മറ്റ് ചില ആരോപണങ്ങള്‍ ഉയര്‍ന്നതിനെ തുടര്‍ന്ന് ഡിപ്പാര്‍ട്ട്മെന്‍റ് ഇദ്ദേഹത്തെ സസ്പെന്‍ഡ് ചെയ്തിരിക്കുകയാണ്. അതിന് ശേഷം മറ്റൊരു എസ് ഐയെ കൂടി ചേര്‍ത്ത് ഈ അന്വേഷണസംഘത്തെ വിപുലീകരിച്ചിരിച്ചിരുന്നു. അതിന് ശേഷമാണ് കേസ് ജില്ലാ ക്രൈംബ്രാഞ്ചിന് വിട്ടത്. ഇപ്പോള്‍ സംസ്ഥാന പൊലീസ് മേധാവി ഈ കേസ് ഇപ്പോള്‍ സ്റ്റേറ്റ് ക്രൈംബ്രാഞ്ചിന് വിട്ടിരിക്കുകയാണ്.
അതേസമയം, ഹാരിസിന്റെ സഹോദരന്റെ ഭാര്യയും സീരിയൽ നടിയുമായ ലക്ഷ്മി പ്രമോദിന്റെ ജാമ്യാപേക്ഷ മെയ് 28 ലേക്ക് മാറ്റി. കഴിഞ്ഞ ബുധനാഴ്ച കേസ് പരിഗണിച്ച കോടതി ഇന്ന് പരിഗണിക്കാനായി മാറ്റിവെക്കുകയായിരുന്നു. ഴിഞ്ഞ രണ്ടാഴ്ചയായി നടി ലക്ഷ്മി പ്രമോദും കുടുംബാംഗങ്ങളും ഒളിവിലാണുള്ളത്. ആത്മഹത്യ ചെയ്ത പെണ്‍കുട്ടിയുമായി വിവാഹം ഉറപ്പിച്ചിരുന്ന ഹാരിസ് മാത്രമാണ് നിലവില്‍ കേസിലെ പ്രതി. ഹാരിസിന്റെ മറ്റ് ബന്ധുക്കളെ ഒന്നും ഇതുവരെ പൊലീസ് കേസില്‍ പ്രതിചേര്‍ത്തിട്ടില്ല. പെണ്‍കുട്ടിയെ ഗര്‍ഭഛിദ്രം നടത്താന്‍ കൊണ്ടുപോയത് ലക്ഷ്മിപ്രമോദും ഹാരിസിന്റെ മറ്റ് ബന്ധുക്കളുമാണെന്നാണ് പെണ്‍കുട്ടിയുടെ കുടുംബാംഗങ്ങള്‍ ആരോപിക്കുന്നത്. അതിന്‍റെ ഡിജിറ്റല്‍ തെളിവുകളും പെണ്‍കുട്ടിയുടെ കുടുംബത്തിന്‍റെ കയ്യിലുണ്ട്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
