കോഴിക്കോട്: പാണക്കാട് മുഈൻ അലി തങ്ങള്ക്കെതിരായ ഭീഷണിയില് സമസ്തയില് അതൃപ്തി പുകയുന്നു. വിഷയത്തില് രൂക്ഷ വിമര്ശനവുമായി സമസ്ത നേതാക്കള് രംഗത്ത്. മുഈനലി തങ്ങള്ക്കെതിരായ ഭീഷണി സമസ്തക്ക് വേണ്ടി നില കൊള്ളുന്നവര്ക്ക് എതിരായ ഭീഷണിയാണെന്ന് സമസ്ത നേതാക്കള് പറഞ്ഞു. അതെ സമയം സമസ്തയ്ക്കൊപ്പം നിൽക്കുന്നവരെ പ്രതിക്കൂട്ടിലാക്കാനുള്ള നീക്കമാണ് നടക്കുന്നതെന്ന് സമസ്ത സെക്രട്ടറി ഉമർ ഫൈസി മുക്കും സമസ്ത നേതാക്കളും പ്രസ്താവനയിൽ പറഞ്ഞു. സമസ്തയും ലീഗും തമ്മിലുള്ള മറ്റൊരു കാരണമാണ് മുഈൻ അലി തങ്ങൾക്ക് ഭീഷണിയായി മാറിയതെന്നാണ് നേതാക്കളുടെ പ്രതികരണത്തിൽ നിന്ന് വ്യക്തമാകുന്നത്. പാണക്കാട് മുഈൻ അലി തങ്ങൾ എല്ലാ നേതാക്കളുമായും അടുത്ത ബന്ധത്തിലാണ്.
അതേസമയം, പാണക്കാട് മുഈൻ അലി തങ്ങളെ താൻ ഭീഷണിപ്പെടുത്തിയ കേസിൽ മുസ്ലിം ലീഗ് പ്രവർത്തകൻ റാഫി പുതിയകടവിനെ രാത്രി പൊലീസ് അറസ്റ്റ് രേഖപ്പെടുത്തി വിട്ടയച്ചു. മലപ്പുറം പൊലീസ് സ്റ്റേഷനിൽ ചോദ്യം ചെയ്യലിന് ഹാജരായ റാഫി പുതിയകടവിനെ അര്ധരാത്രിയിലാണ് അറസ്റ്റ് രേഖപ്പെടുത്തി സ്റ്റേഷൻ ജാമ്യത്തിൽ വിട്ടയക്കുകയായിരുന്നു. ഭീഷണിപെടുത്തൽ, കലാപാഹ്വാനം എന്നീ കുറ്റങ്ങൾ ചുമത്തി കേസെടുത്തെന്നും അറസ്റ്റ് രേഖപ്പെടുത്തിയെന്നും മലപ്പുറം പൊലീസ് വ്യക്തമാക്കി. മുഈൻ അലി തങ്ങളോട് ശത്രുത ഇല്ലെന്നും സൗഹൃദ സംഭാഷണത്തിന് ഇടയിൽ പറഞ്ഞ പരാമർശങ്ങളാണ് കേസിന് ആധാരമായതെന്നുമാണ് റാഫി പൊലീസിന് നൽകിയ മൊഴിയിൽ പറയുന്നത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.