ക്രിക്കറ്റിന്റെ മൂന്ന് ഫോർമാറ്റുകളിലും സഞ്ജു സാംസൺ ഇന്ത്യയ്ക്കായി കളിക്കണമെന്ന് മുൻ ഓസ്‌ട്രേലിയൻ ക്രിക്കറ്റ് താരം ഷെയ്ൻ വോൺ. മൂന്ന് ഫോർമാറ്റുകളിലും സഞ്ജു ഇതുവരെ ഇന്ത്യൻ ടീമിൽ ഇടം നേടിയിട്ടില്ല എന്നത് അതിശയകരമാണെന്ന് രാജസ്ഥാൻ റോയൽസ് ബ്രാൻഡ് അംബാസഡർ കൂടിയായ ഷെയ്ൻ വോൺ പറഞ്ഞു.
സഞ്ജു സാംസൺ വളരെ നല്ല കളിക്കാരനാണെന്നും വളരെക്കാലമായി കണ്ട ഏറ്റവും മികച്ച കളിക്കാരിലൊരാളാണെന്നും ഷെയ്ൻ വോൺ പറഞ്ഞു. സഞ്ജു സാംസണിന്റെ ഷോട്ടുകളെല്ലാം മികച്ച നിലവാരവും ക്ലാസും ഉള്ളവയാണെന്ന് വോൺ പറഞ്ഞു. ഈ സീസണിൽ സഞ്ജു സാംസൺ സ്ഥിരതയാർന്ന പ്രകടനം കാഴ്ചവെക്കുമെന്നും രാജസ്ഥാൻ റോയൽസിനെ ഐപി‌എൽ കിരീടം ഉയർത്താനും ക്രിക്കറ്റിന്റെ മൂന്ന് ഫോർമാറ്റുകളിലും ഇന്ത്യയെ പ്രതിനിധീകരിക്കാനും സഹായിക്കുമെന്ന് പ്രതീക്ഷിക്കുന്നതായി വോൺ പറഞ്ഞു. ഇന്ത്യന്‍ പ്രീമിയര്‍ ലീഗില്‍ രാജസ്ഥാന്‍ റോയല്‍സിന്റെ ഉദ്‌ഘാടന മത്സരത്തില്‍ സഞ്ജു സാംസണ്‍ മികച്ച പ്രകടനം പുറത്തെടുത്തിരുന്നു. 32 പന്തില്‍ നിന്ന് 74 റണ്‍സ് നേടിയ സഞ്ജു സാംസണ്‍ ചെന്നൈ സൂപ്പര്‍ കിങ്സിനെതിരായ രാജസ്ഥാന്‍ റോയല്‍സിന്റെ വിജയത്തില്‍ പ്രധാന പങ്കുവഹിച്ചിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
