കോഴിക്കോട് 5 വര്ഷങ്ങള്ക്ക് മുമ്പ് യുവതിയുടെ വയറ്റില് കത്രിക കണ്ടെത്തിയ സംഭവത്തില് വിദഗ്ധ സംഘം സര്ക്കാരിന് അന്വേഷണ റിപ്പോര്ട്ട് സമര്പ്പിച്ചു. കത്രിക കോഴിക്കോട് മെഡിക്കല് കോളേജിന്റേതല്ലെന്ന് വിശദാന്വേഷണത്തില് കണ്ടെത്തി. 2017ലാണ് കോഴിക്കോട് മെഡിക്കല് കോളേജില് സിസേറിയന് നടന്നത്. കോഴിക്കോട് മെഡിക്കല് കോളേജില് എല്ലാവിധ പരിശോധനകളും നടത്തിയിരുന്നു. അന്ന് കോഴിക്കോട് മെഡിക്കല് കോളേജില് ഇന്സ്ട്രമെന്റല് രജിസ്റ്റര് ഉള്പ്പെടെ എല്ലാ രേഖകളും ഉണ്ടായിരുന്നു. ആ പരിശോധനകളില് കത്രിക നഷ്ടപ്പെട്ടതായി കണ്ടെത്തിയിട്ടില്ല. അതിന് മുമ്പ് 2012ലും 2016ലും സിസേറേയന് നടത്തിയത് താമരശേരി ആശുപത്രിലാണ്. എന്നാല് ആ സമയത്തൊന്നും ഇന്സ്ട്രമെന്റല് രജിസ്റ്റര് ഇല്ലാത്തതിനാല് കത്രിക എവിടത്തെയാണെന്ന് മെഡിക്കല് സംഘത്തിന് കണ്ടെത്താന് കഴിഞ്ഞില്ല. കാലപ്പഴക്കം നിര്ണയിക്കാന് ഫോറന്സിക് വിഭാഗത്തത്തിന്റെ സഹായവും തേടിയിരുന്നു.
യുവതിയുടെ പരാതിയെ തുടര്ന്ന് ആരോഗ്യ വകുപ്പ് മന്ത്രി വീണാ ജോര്ജ് രണ്ട് സമിതിയെ കൊണ്ട് അന്വേഷണം നടത്തിയിരുന്നു. രണ്ടിലും കത്രിക കോഴിക്കോട് മെഡിക്കല് കോളേജിന്റേതാണെന്ന് കണ്ടെത്താന് കഴിഞ്ഞിട്ടില്ല. ആദ്യ അന്വേണത്തെ തുടര്ന്ന് വിശദമായ അന്വേഷണം നടത്തി റിപ്പോര്ട്ട് സമര്പ്പിക്കാന് വിദഗ്ധ കമ്മിറ്റിയെ ചുമതലപ്പെടുത്തിയിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
