കോഴിക്കോട്: മകന്‍ അമ്മയെ വെട്ടിക്കൊന്നു. താമരശ്ശേരി കൈതപ്പൊയിലില്‍ ഇന്ന് ഉച്ചയോടെയാണ് സംഭവം. അടിവാരം 30 ഏക്കര്‍ കായിക്കല്‍ സ്വദേശി സുബെെദയാണ് കൊല്ലപ്പെട്ടത്. പ്രതി ഏകമകൻ ആഷിഖ് (25) ആണ് കൃത്യം നടത്തിയത്. ബെംഗളൂരുവിലെ ലഹരി വിമുക്തി കേന്ദ്രത്തില്‍ ചികിത്സയിലായിരുന്നു ആഷിഖ്.
ബ്രെയ്ന്‍ ട്യൂമര്‍ ഓപ്പറേഷന്‍ കഴിഞ്ഞ് സഹോദരിയുടെ വീട്ടില്‍ വിശ്രമത്തിലായിരുന്നു സുബൈദ. ശസ്ത്രക്രിയയ്ക്ക് ശേഷം സഹോദരിയുടെ വീട്ടിലാണ് കഴിഞ്ഞിരുന്നത്. ശരീരം തളർന്ന അസ്ഥയിലായിരുന്നു. ഇവിടെ അമ്മയെ കാണാനായി എത്തിയപ്പോഴാണ് പ്രതി കൃത്യം നടത്തിയത്. അക്രമത്തിലേക്ക് നയിച്ച കാരണം എന്താണെന്നതില്‍ വ്യക്തത വന്നിട്ടില്ല. ആഷിഖിനായി പൊലീസ് തെരച്ചില്‍ ആരംഭിച്ചു. മൃതദേഹം കോഴിക്കോട് മെഡിക്കല്‍ കോളേജ് ആശുപത്രിയിലേയ്ക്ക് മാറ്റി.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
