സംസ്ഥാനത്ത് എസ്​.എസ്​.എൽ.സി പരീക്ഷ നാളെ തുടങ്ങും; മേയ് രണ്ടാം വാരത്തില്‍ ഫലം പ്രസിദ്ധീകരിക്കും.

സംസ്ഥാനത്ത് എസ്എസ്എൽസി പരീക്ഷ നാളെ (വ്യാഴാഴ്ച) തുടങ്ങും. ഹയർസെക്കൻഡറി, വിഎച്ച്എസ്ഇ പരീക്ഷ വെള്ളിയാഴ്ച ആരംഭിക്കും. രാവിലെ 9.30ന് പരീക്ഷകൾ ആരംഭിക്കും. മാർച്ച് 29ന് അവസാനിക്കുന്ന എസ്എസ്എൽ പ​രീ​ക്ഷ​യെ​ഴു​താ​ൻ ഇ​ത്ത​വ​ണ 4,19,362 വി​ദ്യാ​ർ​ഥി​ക​ളാ​ണു​ള്ള​ത്. 192 പേർ പ്രൈവറ്റായി പരീക്ഷ എഴുതും. ഇതിൽ 2,13,801 ആൺകുട്ടികളും 2,05,561 പെൺകുട്ടികളുമാണ്. സർക്കാർ സ്കൂളുകളിൽ 1,40,703 പേരും എയ്ഡഡ് സ്കൂളുകളിൽ 2,51,567 പേ​രു​മാ​ണ്​ പ​രീ​ക്ഷ​യെ​ഴു​തു​ന്ന​ത്. 27,092 പേ​ർ അ​ൺ​എ​യ്​​ഡ​ഡ്​ സ്കൂ​ളു​ക​ളി​ലും പ​രീ​ക്ഷ​ക്കി​രി​ക്കും.

2,960 കേന്ദ്രങ്ങളിലാണ് പരീക്ഷ. ഗൾഫ് മേഖലയിൽ 518 കുട്ടികളും ലക്ഷദ്വീപിൽ 289 കുട്ടികളും പരീക്ഷ എഴുതും. . എ​സ്.​എ​സ്.​എ​ൽ.​സി പ​രീ​ക്ഷ​യു​ടെ ഉ​ത്ത​ര​ക്ക​ട​ലാ​സ്​ മൂ​ല്യ​നി​ർ​ണ​യം സം​സ്ഥാ​ന​ത്തെ 70 ക്യാ​മ്പു​ക​ളി​ലാ​യി ഏ​പ്രി​ൽ മൂ​ന്നു​മു​ത​ൽ 26 വ​രെ ന​ട​ക്കും. മൂ​ല്യ​നി​ർ​ണ​യ ക്യാ​മ്പു​ക​ൾ​ക്ക് സ​മാ​ന്ത​ര​മാ​യി ടാ​ബു​ലേ​ഷ​ൻ പ്ര​വ​ർ​ത്ത​ന​ങ്ങ​ൾ ഏ​പ്രി​ൽ അ​ഞ്ചു​മു​ത​ൽ പ​രീ​ക്ഷ ഭ​വ​നി​ൽ ആ​രം​ഭി​ക്കും. മേ​യ്​ ര​ണ്ടാം വാ​ര​ത്തി​ൽ ഫ​ലം പ്ര​ഖ്യാ​പി​ക്കും. 4,25,361 വി​ദ്യാ​ർ​ഥി​ക​ൾ ഹ​യ​ർ​സെ​ക്ക​ൻ​ഡ​റി ഒ​ന്നാം വ​ർ​ഷ പ​രീ​ക്ഷ​യും 4,42,067 പേ​ർ ര​ണ്ടാം വ​ർ​ഷ പ​രീ​ക്ഷ​യും എ​ഴു​തും. മാ​ർ​ച്ച്​ 30നാ​ണ്​ ഹ​യ​ർ​സെ​ക്ക​ൻ​ഡ​റി പ​രീ​ക്ഷ പൂ​ർ​ത്തി​യാ​കു​ക. 80 ക്യാ​മ്പു​ക​ളി​ലാ​യി ഏ​പ്രി​ൽ മൂ​ന്നു​മു​ത​ൽ മേ​യ് ആ​ദ്യ​വാ​രം​വ​രെ മൂ​ല്യ​നി​ർ​ണ​യം ന​ട​ക്കും.

പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.