തിരുവനന്തപുരം: സംസ്ഥാന സർക്കാരിന്റെ കേരളീയം വാരാഘോഷത്തിന് തുടക്കമായി. കേരളീയരെന്ന് അഭിമാനിക്കുന്ന എല്ലാ മനുഷ്യർക്കും ആ സന്തോഷം മറ്റുള്ളവരുമായി പങ്കുവയ്ക്കാനും ലോകത്തോട് വിളിച്ചുപറയാനുമുള്ള അവസരമാണിതെന്ന് ചടങ്ങ് ഉദ്ഘാടനം ചെയ്തുകൊണ്ട് മുഖ്യമന്ത്രി പിണറായി വിജയൻ പറഞ്ഞു.
കേരളീയര്ക്ക് ഒരുമിച്ച് ആഘോഷിക്കാന് ഇനി എല്ലാ വര്ഷവും കേരളീയം പരിപാടി നടത്തുമെന്നും മുഖ്യമന്ത്രി അറിയിച്ചു.കേരളത്തിന് എല്ലാ രംഗത്തും തനതായ വ്യക്തിത്വമുണ്ട്. എന്നാല് നിര്ഭാഗ്യവശാല് ഇത് നാം പലപ്പോഴും തിരിച്ചറിയുന്നില്ല. അതുകൊണ്ടുതന്നെ ഇതിനെ രാജ്യത്തിനും ലോകത്തിനും മുന്നില് അവതരിപ്പിക്കാന് ശരിയായ രീതിയില് നമുക്ക് കഴിയാറില്ല. ഈ സ്ഥിതി മാറേണ്ടതുണ്ട്. കേരളീയതയില് തീര്ത്തും അഭിമാനിക്കുന്ന മനസ്സ് കേരളീയര്ക്കുണ്ടാകണം. വൃത്തിയുടെ കാര്യത്തില് മുതല് കലയുടെ കാര്യത്തില് വരെ വേറിട്ട് നില്ക്കുന്ന കേരളീയതയെക്കുറിച്ചുള്ള അഭിമാന ബോധം ഇളംതലമുറയിലടക്കം ഉള്ച്ചേര്ക്കാന് കഴിയണം. ആര്ക്കും പിന്നിലല്ല കേരളീയരെന്നും പല കാര്യങ്ങളിലും പലര്ക്കും മുന്നിലാണ് കേരളീയരെന്നുമുള്ള ആത്മാഭിമാനത്തിന്റെ പതാക ഉയര്ത്താന് കഴിയണം . തലസ്ഥാനത്തെ 41 വേദികളിലായി നവംബര് ഏഴ് വരെയാണ് ആഘോഷം.
കമല്ഹാസന്, മമ്മൂട്ടി, മോഹന്ലാല്, ശോഭന എന്നിവര് ചടങ്ങില് വിശിഷ്ടാതിഥികളായിരുന്നു. വിവിധ രാജ്യങ്ങളില് നിന്നുള്ള പ്രതിനിധികള്, നിയമസഭാ സ്പീക്കര് എഎന് ഷംസീര്, മന്ത്രിമാരായ വി ശിവന്കുട്ടി, ആന്റണി രാജു, എകെ ശശീന്ദ്രന്, റോഷി അഗസ്റ്റിന്, പി രാജന്, ആര് ബിന്ദു, വി അബ്ദുറഹ്മാന്, കെഎന് ബാലഗോപാല്, മുഹമ്മദ് റിയാസ്, കെ രാധാകൃഷ്ണന്, കെ കൃഷ്ണന്കുട്ടി തുടങ്ങിയവരും എംഎ യൂസഫലി ഉള്പ്പെടെയുള്ള വ്യവസായ പ്രമുഖരും ചടങ്ങില് പങ്കെടുത്തു,
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.