ഒരു ദിവസം 10 ഗ്രാം കശുവണ്ടി പരിപ്പ് കഴിക്കുന്നത് മറവിരോഗം തടയാൻ സഹായിക്കുമെന്ന് പുതിയ പഠനം വ്യക്തമാക്കുന്നു. സൗത്ത് ഓസ്‌ട്രേലിയ സർവകലാശാല നടത്തിയ ഗവേഷണത്തിൽ ഇത് മെമ്മറിയും ചിന്തയും മെച്ചപ്പെടുത്തുന്നുവെന്നും വാർദ്ധക്യത്തിലെ സ്വതസിദ്ധമായ മാനസിക വൈകല്യങ്ങൾ ഒഴിവാക്കാമെന്നും കണ്ടെത്തി. 55 വയസ്സിനു മുകളിലുള്ള 4,822 ചൈനീസ് പൗരന്മാരെ പഠനത്തിൽ ഉൾപ്പെടുത്തിയിയത്.
നേരത്തെ, ചില പഠനങ്ങൾ കാണിക്കുന്നത് ഒരു ദിവസം ഒരു പിടി കശുവണ്ടി പരിപ്പ് കഴിക്കുന്നത് ടൈപ്പ് 2 പ്രമേഹത്തിനുള്ള സാധ്യത കുറയ്ക്കുന്നു എന്നാണ്. പരിപ്പ് കഴിക്കുന്നത് പ്രമേഹം, ഹൃദ്രോഗം, ഹൃദയാഘാതം, ഉയർന്ന കൊളസ്ട്രോൾ എന്നിവ തടയാൻ സഹായിക്കുമെന്ന് പഠനങ്ങൾ വ്യക്തമാക്കുന്നു. കാലിഫോർണിയ സർവകലാശാലയിലെ ഒരു സംഘം ഗവേഷകരാണ് പഠനം നടത്തിയത്.
ഒരു ദിവസം 10 ഗ്രാം പരിപ്പ് കഴിക്കുന്നത് പ്രായമായവരുടെ മേധാശക്തി 60 ശതമാനം വർദ്ധിപ്പിക്കുമെന്ന് പഠനത്തിന് നേതൃത്വം നൽകിയ മിംഗ് ലീ പറയുന്നു. ലോകാരോഗ്യ സംഘടനയുടെ കണക്കനുസരിച്ച് 2020 ഓടെ 60 വയസ്സിന് മുകളിലുള്ളവരുടെ എണ്ണം അഞ്ച് വയസ്സിന് താഴെയുള്ള കുട്ടികളുടെ എണ്ണത്തേക്കാൾ കൂടുതലായിരിക്കും എന്ന് പറയുന്നു.
ബ്രസീൽ പരിപ്പ്, പിസ്ത, ബദാം, അണ്ടിപ്പരിപ്പ് എന്നിവ കഴിക്കുന്നത് ധമനികളിലെ രക്തം കട്ടപിടിക്കുന്നത് തടയാൻ സഹായിക്കുമെന്നും പഠനം കണ്ടെത്തി. 16,217 പേരെ പഠനത്തിൽ ഉൾപ്പെടുത്തിയിട്ടുണ്ട്. അണ്ടിപ്പരിപ്പ് കഴിക്കുന്നവരിൽ രക്തത്തിലെ പഞ്ചസാരയുടെ അളവ് കുറവാണെന്ന് കണ്ടെത്തി. ശരീരത്തിലെ കൊഴുപ്പ് കുറയുന്നുണ്ടെന്നും പ്രൊഫസർ പ്രകാശ് ഡീഡ്വാനിയ പറഞ്ഞു. പരിപ്പ് കഴിക്കുന്നവർക്ക് ഹൃദ്രോഗമുണ്ടാകാനുള്ള സാധ്യത 11 ശതമാനം മാത്രമാണെന്നും പഠനം കണ്ടെത്തി.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
