തിരുവനന്തപുരം: പത്തനംതിട്ട, ആലപ്പുഴ, എറണാകുളം, ഇടുക്കി, തൃശൂർ ജില്ലകളിലാണ് ഇന്ന് യെല്ലോ അലർട്ട്. കനത്ത ചൂടിന് ശമനമേകി വേനല് മഴ കനപ്പിക്കാന് ചക്രവാതച്ചുഴിയെത്തിയതിനാലാണിത്. തെക്കു കിഴക്കന് അറബിക്കടലിനും ലക്ഷദ്വീപിനോടും ചേര്ന്ന് നിലനില്ക്കുന്ന ചക്രവാതച്ചുഴിയുടെയും അതിനെ തുടര്ന്നുള്ള ന്യൂനമര്ദ പാത്തിയുടെയും സ്വാധീനമാണ് കേരളത്തില് അതിശക്തമായ മഴക്ക് വഴിയൊരുക്കുന്നത്. അടുത്ത വ്യാഴാഴ്ച വരെ അതിശക്തമായ മഴ ലഭിക്കുമെന്നാണ് കേന്ദ്ര കാലാവസ്ഥാ നിരീക്ഷണ വകുപ്പ് നല്കുന്ന മുന്നറിയിപ്പ്. അതേസമയം, ഇന്ന് രാവിലെ കോഴിക്കോട് ഉള്പ്പെടെ മഴ ലഭിച്ചു. രാവിലെ പത്ത് വരെ മലപ്പുറം, കോഴിക്കോട് ജില്ലകളില് ഒറ്റപ്പെട്ടയിടങ്ങളില് ഇടിമിന്നലോടു കൂടിയ നേരിയതോ മിതമായതോ ആയ മഴക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
പ്രധാനമായും തെക്കന് കേരളത്തിലും മധ്യകേരളത്തിലുമാകും മഴ ശക്തമാകുക. ഉച്ചക്ക് ശേഷം ഇടിമിന്നലിനും ശക്തമായ കാറ്റോടു കൂടിയുള്ള മഴക്കും മോശം കാലാവസ്ഥക്കും സാധ്യതയുണ്ട്.
സംസ്ഥാനത്ത് ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴക്കും 30 മുതല് 50 കി മീ വരെ വേഗതയില് വീശിയേക്കാവുന്ന ശക്തമായ കാറ്റിനും സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പ് അറിയിച്ചിരിക്കുന്നത്. ഇതുപ്രകാരം അടുത്ത ദിവസങ്ങളില് സംസ്ഥാനത്ത് വിവിധ ജില്ലകളില് മഞ്ഞ ജാഗ്രതാ നിര്ദേശം നല്കിയിട്ടുണ്ട്. ഇന്നലെ പത്തനംതിട്ട, എറണാകുളം, ഇടുക്കി, തൃശൂര് ജില്ലകളില് ഓറഞ്ച് ജാഗ്രത പ്രഖ്യാപിച്ചി
രുന്നു.
തെക്കു കിഴക്കന് അറബിക്കടലിനും ലക്ഷദ്വീപിനോടും ചേര്ന്ന് ചക്രവാതച്ചുഴി നിലനില്ക്കുന്ന സാഹചര്യത്തില് കേരള, കര്ണാടക, ലക്ഷദ്വീപ് തീരങ്ങളില് മത്സ്യത്തൊഴിലാളികള് മത്സ്യബന്ധനത്തിലേര്പ്പെടരുതെന്ന് കാലവസ്ഥാ നിരീക്ഷണ കേന്ദ്രം നിര്ദേശിച്ചു. ഒറ്റപ്പെട്ട ശക്തമായ മഴക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നതു കൊണ്ട് അര്ഥമാക്കുന്നത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
