പോപ്പുലര് ഫ്രണ്ട് സെപ്റ്റംബര് 23-ന് നടത്തിയ മിന്നല്ഹര്ത്താല് തടയാന് സര്ക്കാര് ഒന്നുംചെയ്തില്ലെന്ന് ഹൈക്കോടതിയുടെ വിമര്ശനം. മിന്നല്ഹര്ത്താല് നിയമവിരുദ്ധമാണെന്ന ഉത്തരവുണ്ടായിട്ടും പ്രകടനങ്ങളും അക്രമങ്ങളും തടയാന് കോടതിയുടെ ഇടപെടലുണ്ടാകുന്നതുവരെ സര്ക്കാര് ഒന്നുംചെയ്തില്ലെന്നാണ് ഹൈക്കോടതിയുടെ കുറ്റപ്പെടുത്തല്. അതെ സമയം മിന്നല്ഹര്ത്താലിലുണ്ടായ നാശനഷ്ടം കണക്കിലെടുത്ത് രണ്ടാഴ്ചയ്ക്കുള്ളില് 5.20 കോടിരൂപ പോപ്പുലര് ഫ്രണ്ട് സര്ക്കാരില് അടയ്ക്കണമെന്ന് ഹൈക്കോടതി ഉത്തരവിട്ടു. ജസ്റ്റിസ് എ.കെ. ജയശങ്കരന് നമ്പ്യാരും ജസ്റ്റിസ് സി.പി. മുഹമ്മദ് നിയാസും അടങ്ങിയ ബെഞ്ചിന്റേതാണ് ഉത്തരവ്. ഹര്ത്താല്ദിനം രാവിലെ സ്വമേധയാ എടുത്ത കോടതിയലക്ഷ്യഹര്ജിയാണ് ഡിവിഷന് ബെഞ്ച് പരിഗണിച്ചത്. 2019 ജനുവരി ഏഴിലെ ഉത്തരവുപ്രകാരം സര്ക്കാര് നടപടി സ്വീകരിച്ചിരുന്നെങ്കില് പ്രകടനങ്ങളോ ആള്ക്കൂട്ടമോ ഉണ്ടാകുമായിരുന്നില്ലെന്നും കോടതി അഭിപ്രായപ്പെട്ടു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
