തൃശൂർ: തൃശ്ശൂരിലെ ഹൈറിച്ച് മണിചെയിൻ സാമ്പത്തിക തട്ടിപ്പ് കേസിൽ ഒളിവിൽ കഴിയുന്ന പ്രതികൾ ഇന്ന് അന്വേഷണ സംഘത്തിന് മുന്നിൽ കീഴടങ്ങും. പ്രതികൾ രാവിലെ ഇഡി ഓഫീസിൽ ഹാജരാകുമെന്ന് അഭിഭാഷകർ കോടതിയെ അറിയിച്ചിട്ടുണ്ട്. കമ്പനി ഉടമ പ്രതാപനും ഭാര്യയും സിഇഒയുമായ ശ്രീനയും ഹാജരാകും .
പ്രതികൾ സമർപ്പിച്ച മുൻകൂർ ജാമ്യാപേക്ഷ പരിഗണിക്കവെ എൻഫോഴ്സ്മെൻ്റ് അന്വേഷണവുമായി സഹകരിക്കാൻ കോടതി ആവശ്യപ്പെട്ടിരുന്നു. പ്രതാപനും ഭാര്യ ശ്രീനയും സഹായി ശരണ് കടവത്തും ഒരു കോടി എണ്പത്തിമൂന്ന് ലക്ഷം ഐഡികളില് നിന്നായി രണ്ടായിരം കോടിയിലേറെ തട്ടിയെന്നാണ് അന്വേഷണ ഏജന്സികളുടെ പ്രാഥമിക നിഗമനം. ആദ്യം ഹൈറിച്ച് ഓണ്ലൈന് ഷോപ്പി പ്രൈവറ്റ് ലിമിറ്റഡ് തുടങ്ങി. പതിനായിരം രൂപയുടെ വൗച്ചര് വാങ്ങി ചങ്ങലക്കണ്ണിയില് ചേരുന്നവരുടെ അക്കൗണ്ടിലേക്ക് പണം ഒഴുകുമെന്നായിരുന്നു വാഗ്ദാനം.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.