കൊച്ചി: തൃക്കാക്കരയിൽ പരിക്കേറ്റ രണ്ടര വയസ്സുകാരിയുടെ അമ്മയും മുത്തശ്ശിയും ആത്മഹത്യക്ക് ശ്രമിച്ചു. രാവിലെ ഇരുവരും കൈയുടെ ഞരമ്പ് മുറിക്കാൻ ശ്രമിച്ചു. ഇരുവരുടെയും ആരോഗ്യനില തൃപ്തികരമാണെന്ന് ആശുപത്രി അധികൃതർ അറിയിച്ചു. അതേസമയം, ബാലപീഡനവുമായി ബന്ധപ്പെട്ട ദുരൂഹത തുടരുകയാണ്.
കുട്ടിക്ക് ദേഹോപദ്രവം ഏറ്റതാണെന്ന് അമ്മയടക്കമുള്ള ബന്ധുക്കൾ ആവർത്തിച്ചതോടെ പൊലീസ് അന്വേഷണം എങ്ങുമെത്തിയില്ല. കുട്ടി പീഡനത്തിനിരയായെന്ന നിഗമനത്തിന്റെ അടിസ്ഥാനത്തിലാണ് അന്വേഷണമെന്നാണ് പോലീസ് പറയുന്നത്. അതേസമയം, പോലീസിന് മുന്നിൽ ഹാജരാകുമെന്ന് കുട്ടിയുടെ കുടുംബത്തോടൊപ്പം താമസിച്ചിരുന്ന ആന്റണി ടിജിൻ ഇന്നലെ മാധ്യമങ്ങളോട് പറഞ്ഞു. ഇയാൾ അന്വേഷണവുമായി സഹകരിക്കുന്നില്ലെന്നും ടിജിയെ കണ്ടെത്താനുള്ള ശ്രമങ്ങൾ തുടരുകയാണെന്നും പൊലീസ് പറയുന്നു. അതേ സമയം കുഞ്ഞിന്റെ ആരോഗ്യനിലയിൽ പുരോഗതിയുണ്ടെന്ന് ഡോക്ടർമാർ അറിയിച്ചു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
