കോഴിക്കോട്: കേരളത്തിൽ പ്രവാസികൾ ഏറ്റവും കൂടുതൽ ആശ്രയിക്കുന്നത് കരിപ്പൂരിലെ വിമാനത്താവളമാണ്. 2020-ലെ കരിപ്പൂർ വിമാനത്താവള അപകടത്തോടെ ഭാവി പ്രതിസന്ധിയിലായ കരിപ്പൂർ, പുതിയ സാധ്യതകളിലേക്കും അവസരങ്ങളിലേക്കും ‘പറന്നുയരാൻ’ തയ്യാറെടുക്കുകയാണ്.
അടുത്ത വർഷം മാർച്ചിൽ റൺവേ വികസനം പൂർത്തിയാകുമ്പോൾ, കൂടുതൽ അന്താരാഷ്ട്ര സർവീസുകളും കാർഗോ വിമാനങ്ങളും കരിപ്പൂരിൽ പറന്നുയരുകയും ഇറങ്ങുകയും ചെയ്യും. ഇത് മുഴുവൻ മലബാറിന്റെയും വികസനത്തിന് ഒരു പുതിയ ദിശ നൽകും.
2020-ലെ അപകടത്തോടെ, വിമാനത്താവളത്തിന്റെ റൺവേ സുരക്ഷാ മേഖല വികസിപ്പിക്കാതെ വലിയ വിമാനങ്ങൾക്ക് ഇറങ്ങാൻ കഴിയില്ലെന്നും, അങ്ങനെ സംഭവിച്ചാൽ കരിപ്പൂർ ഒരു ആഭ്യന്തര വിമാനത്താവളമായി നശിപ്പിക്കപ്പെടുമെന്നും ആശങ്കയുണ്ടായിരുന്നു. സംസ്ഥാനത്തെ ഹജ്ജ് കേന്ദ്രമായി നിലനിർത്തിയും റൺവേ വികസനത്തിന് മുൻകൈയെടുത്തും സംസ്ഥാന സർക്കാർ കരിപ്പൂരിനെ ചുമലിൽ ഏറ്റെടുത്തു.
പള്ളിക്കൽ, നെടിയിരുപ്പ് ഗ്രാമങ്ങളിലായി 12.48 ഏക്കർ ഭൂമി വിമാനത്താവള വികസനത്തിനായി സംസ്ഥാന സർക്കാർ ഏറ്റെടുത്തു. 76 കുടുംബങ്ങള്ക്കായി 72.85 കോടി രൂപ.നഷ്ടപരിഹാരമായി നല്കി. 76 ഭൂവുടമസ്ഥരില് 28 പേര്ക്ക് ഭൂമിയും 11 പേര്ക്ക് മറ്റു നിര്മിതികളും 32 കുടുംബങ്ങള്ക്ക് വീട് ഉള്പ്പെടെയുള്ള വസ്തുക്കളും 5 പേര്ക്ക് മറ്റ് കെട്ടിടങ്ങളും ഭൂമി ഏറ്റെടുക്കലില് നഷ്ടപ്പെടുന്നുണ്ട്. അത്തരത്തിലുള്ള 52 കുടുംബങ്ങള്ക്ക് 3.56 കോടി രൂപ വീതം സംസ്ഥാനസര്ക്കാര് കൈമാറി
കരിപ്പൂരിലെ റണ്വേ എന്ഡ് സേഫ്റ്റി ഏരിയ വികസിപ്പിക്കുന്ന പ്രവര്ത്തനങ്ങള് അതിവേഗം പുരോഗമിക്കുകയാണ്. 2026 മാര്ച്ചില് നിര്മാണ പ്രവര്ത്തനങ്ങള് പൂര്ത്തിയാകുമെന്നാണ് കണക്കുകൂട്ടല്. വ്യോമയാന മന്ത്രാലയം നല്കിയ സമയ പരിധിക്കുള്ളില് തന്നെ റെസ വികസനത്തിനു സംസ്ഥാന സര്ക്കാര് ഭൂമി കൈമാറി. നിലവിലുള്ള റെസയോട് ചേര്ന്ന് ഏറ്റെടുത്ത ഭൂമിയില് മണ്ണിട്ട് ഉയര്ത്തി റണ്വേയുടെ നീളം കൂട്ടുന്ന ജോലി പുരോഗമിച്ചുവരികയാണ്. ആധുനിക യന്ത്ര സഹായത്തോടെയാണ് റെസ നിര്മാണം പുരോഗമിക്കുന്നത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
