കൊണ്ടോട്ടി: പ്രായപൂർത്തിയാകാത്ത പെൺകുട്ടിയെ ഗർഭിണിയാക്കിയ ബംഗാളി സ്വദേശിയെ പോക്സോ പ്രകാരം പൊലീസ് അറസ്റ്റ് ചെയ്തു ബംഗാൾ സ്വദേശി സറുദ്ദീൻ ലാസ്കർ (33) ആണ് അറസ്റ്റിലായത്. ബംഗാളില്‍ നിന്നു യുവാവിനൊപ്പമെത്തിയ പതിനാറുകാരി വാഴക്കാട് താമസിച്ചു വരികയായിരുന്നു. ഇവരെ കഴിഞ്ഞ ദിവസം ജില്ലാ ചൈല്‍ഡ് ലൈനും വാഴക്കാട് പോലീസും ചേര്‍ന്നു കണ്ടെത്തിയിരുന്നു. പെണ്‍കുട്ടിയെ കാണാനില്ലെന്നു കാണിച്ച്‌ രക്ഷിതാക്കള്‍ ബംഗാള്‍ പോലീസിനു നല്‍കിയ പരാതിയിലായിരുന്നു അന്വേഷണം.
ആദ്യ ഭാര്യ ഉപേക്ഷിച്ച്‌ പോയതിനെ തുടര്‍ന്നു മൂന്നു വയസുള്ള മകളുമായി ബംഗാളിലേക്കു മടങ്ങിപ്പോയ നസറുദീന്‍ ലസ്ക്കര്‍ പതിനാറുകാരിയുമായാണ് തിരിച്ചെത്തിയത്. ജില്ലാ ശിശുക്ഷേമ സമിതി ചെയര്‍മാന്‍ പി.ഷാജേഷ് ഭാസ്കര്‍ മുന്പാകെ ഹാജരാക്കിയ ശേഷം ഒരു മാസം ഗര്‍ഭിണിയായ പെണ്‍കുട്ടിയെയും മൂന്നുവയസുള്ള കുഞ്ഞിനെയും ചൈല്‍ഡ് ലൈനിന്‍റെ നേതൃത്വത്തില്‍ സംരക്ഷണ കേന്ദ്രത്തിലാക്കി.
വാഴക്കാട് പോലീസ് സബ് ഇന്‍സ്പെക്ടര്‍ നൗഫല്‍, എഎസ്‌ഐ കൃഷ്ണദാസ്, സിവില്‍ പോലീസ് ഓഫീസര്‍മാരായ റാഷിദ്, അരുണ്‍, ഫസല്‍ എന്നിവരുടെ നേതൃത്വത്തിലാണ് പ്രതിയെ പിടികൂടിയത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
