മുംബൈയിലെ ഫ്ലാറ്റിൽ നടിയും മോഡലുമായ നൂര്‍ മാളബികയെ മരിച്ച നിലയില്‍ കണ്ടെത്തി.
ആത്മഹത്യയാണ് എന്നാണ് പൊലീസ് നിഗമനം. 2023ല്‍ നടി കാജോള്‍ വേഷമിട്ട ദ ട്രയലില്‍ നൂര്‍ മാളബികയും ഒരു കഥാപാത്രമായി ഉണ്ടായിരുന്നു. മുംബൈയിലെ മാളബികയുടെ ഫ്ലാറ്റില്‍ നിന്ന് ദുര്‍ഗന്ധം വമിച്ചത് ശ്രദ്ധയില്‍പെട്ട അയല്‍ക്കാരാണ് പൊലീസിനെ വിളിച്ച് സംഭവം ധരിപ്പിച്ചത്. തുടര്‍ന്ന് പൊലീസ് എത്തി പരിശോധിച്ചപ്പോഴാണ് മരിച്ച നിലയില്‍ നൂര്‍ മാളബികയെ കണ്ടെത്തിയത്. പൊലീസ് വാതില്‍ പൊളിച്ച് കയറുകയായിരുന്നു. അഴുകിയ നിലയില്‍ ആയിരുന്നു മാളബികയുടെ മൃതദേഹം കണ്ടെത്തിയത്. സാമ്പിളുകളും മൊബൈല്‍ ഫോണുമെല്ലാം അന്വേഷണത്തിന്റെ ഭാഗമായി പൊലീസ് ശേഖരിച്ചിട്ടുണ്ട് എന്നും റിപ്പോര്‍ട്ടുണ്ട്.
നൂര്‍ മാളബിക നിരവധി വെബ് ഷോകളില്‍ വേഷമിട്ടിട്ടിട്ടുണ്ട്. മുമ്പ് എയര്‍ ഹോസ്റ്റസായും പ്രവര്‍ത്തിച്ചിട്ടുണ്ട്. ഖത്തര്‍ എയര്‍വേയ്‍സിലാണ് എയര്‍ ഹോസ്റ്റസായി താരം നേരത്തെ പ്രവര്‍ത്തിച്ചിരുന്നത്. മുപ്പത്തിയേഴുകാരിയാണ് നടി നൂര്‍ മാളബിക. നൂര്‍ മാളബിക ദാസിന്റെ മരണത്തില്‍ ദുരൂഹതയുണ്ടോ എന്ന് കണ്ടെത്താൻ പൊലീസ് അന്വേഷണം തുടങ്ങിയിട്ടുണ്ട് എന്നാണ് റിപ്പോര്‍ട്ടുകള്‍
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
